Ömırden ötse de, köŋılden öşpeitın adamdar bolady. Sonyŋ bırı bıregeiı – Rysty Tūrǧymbaiqyzy Atyǧaeva. Ol jürgen ortasynyŋ ūiytqysy, jaqsylyqtyŋ, meiırımdılıktıŋ nūryn şaşyp jüretın kısılık kelbetı erekşe jan edı.
Qai salada jürse de köş bastauşy, ūiymdastyruşy, üilestıruşı bola bıldı. Ol jaratylysynan alǧyr, sezımtal pysyq boldy. Özıne tapsyrylǧan ıske jauapkerşılıkpen qarap tiianaqty atqaratyn. Būl qabıletı ışkı ıster organdarynda jūmys ıstegen kezderınde jarqyrai körınıp ärıptesterınıŋ nazaryn audardy. Qarapaiym qūjat tırkeuşı bolyp jürgen jas qyz şamaly uaqytta konkurstan ötıp, Selinograd qalasynyŋ pasport stolynyŋ bastyǧyna deiın köterıldı. Qazaq, orys tılderın jetık bıletın ustavty jan-jaqty meŋgergen, ıske alǧyr tiianaqtylyǧynyŋ arqasynda qiyndyǧy men jauapkerşılıgı köp salany tez meŋgerıp äkettı. Jastyq jıgerı jalyndap tūrǧan Rystynyŋ qabılet-qarymyn baiqaǧan basşylyq ony asa qiyn jūmys jastar men kämeletke tolmaǧan jasöspırımder tärbiesın jetıldıru, onyŋ ışınde ışımdıkpen küres, qoǧamdyq tärtıp būzuşylardy tärbieleitın bölımge bastyq etıp taǧaiyndaidy. Būl jūmystyŋ da tetıgın tauyp ata-analar komitetımen qoǧamdyq ūiymdarmen tyǧyz bailanys ornatyp, jaqsy nätijege qol jetkıze bıldı.
Iskerlık pen tynymsyz eŋbegı laiyqty baǧalandy. Ol «SSRO ışkı ıster salasynyŋ, Qazaqstan Respublikasy ışkı ıster salasynyŋ üzdıgı». «Qazaqstan polisiiasyna 25 jyl», «Qazaqstan Respublikasynyŋ täuelsızdıgıne 25, 30 jyldyq medaldarymen marapattaldy. «QRIIM mınsız qyzmetı üşın 1, 2, 3 därejesıne jettı. «Eren eŋbegı üşın», ardagerler ūiymynyŋ «Qūrmet belgısı» tösbelgısımen, «Astanaǧa 10 jyl» medaldaryn ielendı. Rysty Tūrǧymbaiqyzy «Qūrmet» ordenınıŋ iegerı.
36 jyl ǧūmyryn Işkı ıster qyzmetıne arnaǧan Rysty Tūrǧymbaiqyzy talai qiyndyqtarmen betpe-bet kelıp şyŋdaldy. Er-azamattar köteretın jüktı laiyqty alyp jürdı. Abyroi-bedelı joǧary boldy. Zaty äiel bolsa da jasyǧan jerı, sözden taiǧan kezı joq. Qaşan da kım bolsa da aşyq söilesıp, kem-ketıktı betıne tura aitatyn. Azamattar yǧyp jürdı. Qoryqqannan emes, Rekeŋnıŋ bılımdı, bılıktılıgın, şynşyldyǧyn moiyndap qūrmet körsettı. Ünemı R.Tūrǧymbaiqyzyn aldaryna ūstap özderıne köşbasşy sanady. Qyzmettes bolyp, soŋynan ergen jastar Rekeŋdı ūstaz tärbieşı retınde önege tūtty. Ūrpaqtar sabaqtastyǧyn jalǧastyrǧan aiauly anasyndai qadırledı.
Rysty Tūrǧymbaiqyzy qūrmettı eŋbek demalysyna şyqqannan keiın de tynymsyz eŋbek ettı. Astana qalalyq Ardagerler keŋesı qūrylǧannan bastap Almaty, keiınnen Esıl audany ardagerler ūiymyn üzdıksız 15 jyl basqardy.
Ardagerlerdı aǧasyndai ardaqtap, bauyryndai bauyryna basty. Olardyŋ zaman talabyna sai ömır sürıp, zeinet jasynda eleusız, eskerusız qalmai, qoǧam aǧymyna ılesuıne bar küş-jıgerın jūmsady. Respublikalyq Ardagerler keŋesınıŋ plenum müşesı retınde tiıstı mäseleler köterıp «Belsendı ūzaq ömır süru» ortalyqtarynyŋ aşyluyna da belsene atsalysty. Ärbır ardagerdıŋ äsırese maidangerler men tyl eŋbekkerlerınıŋ jaǧdaiyn nazardan tys qaldyrmai ünemı bailanysta boldy. Ärbır mereke, tuǧan künderınde ūmytpai, qoldan kelgenşe syi-siiapat jasap jüretın.
Soŋǧy kezde densaulyǧy syr berıp syrqattanyp jürse de, auruhanada jatsada kömekşı qyzdaryna aqyl-keŋes berıp, josparlar qūryp tynym tappaǧanyn közımız kördı.
Qairan qadırı bölek Rekem – Rysty Tūrǧymbaiqyzy sızdıŋ ornyŋyz oisyrap tūr. Ol tolar-au, bıraq sızdei ruhy biık aqyl parasaty mol, jüregı meiırban, adamgerşılıgı joǧary, kısılık kelbetı kelıstı, adamzattyŋ bärın süigen jany jaisaŋ, köŋılı darhan aiauly jandy eşkım almastyra almaityny anyq. «Jaqsy adam ölse dünie kemıp qalady» degendei, sız ketkelı dünie tarylyp qalǧandai körınedı bızge. Ol – qimastyq. Ol – syilastyq. Ol – jaqsynyŋ qadırın bılu şyǧar.
İä, sızdıŋ qadırıŋızdı aqsaqaldar, er-azamattar qatar jürgen qyzmettester bıldı. Sız köz jūmǧan künnen bastap sızdı aqtyq saparǧa şyǧaryp salu räsımderınıŋ bärın özderı atqaryp tık tūryp qyzmet körsettı. 60 jyldai joldas bolǧan qūdai qosqan qosaǧyŋyz, qaiǧydan qan jūtyp, jas baladai eŋırep jylaǧan Şäken aǧamyzǧa salmaq salmai süieu bola bılgen Sansyzbai Seitjanūly bastaǧan el aǧalaryna Alla razy bolsyn!
Sızdı ūmytpaimyz! Sızdı saǧynatyn künderımız älı alda. Sızdıŋ jarqyn beineŋız bızdıŋ jüregımızde. Ruhyŋyz şat, imanyŋyz joldas bolsyn, aiauly asyl äpkemız!
Arty ökınış, būl
jalǧannyŋ aldy ümıt,
Kün batady, taŋ atady
jaŋǧyryp.
Kündı ainalyp bız
jürgende, sızdı Reke,
Alla nūry aimalasyn
mäŋgılık!
Astana qalasynyŋ Ardagerler keŋesı
