«Taza Qazaqstan. Astana – tazalyq pen tärtıptıŋ ülgısı» atty ekologiialyq aksiia aiasynda Astananyŋ ortalyq saiabaǧynda «Plogging jäne sporttyq baǧdarlau» jarysy öttı.
Mūndai aksiialar öskeleŋ ūrpaqty qorşaǧan ortaǧa baiyppen qarauǧa üiretedı jäne qarapaiym ekologiialyq ädetterdı boiyna sıŋıredı. Osyny eskere kele, Astananyŋ sporttyq baǧdarlau federasiiasy Balalar men jasöspırımder turizmı jäne ölketanu ortalyǧymen bırlesıp, Astana qalasy Bılım basqarmasynyŋ qoldauymen ūiymdastyrylǧan jarysqa elordalyq mektepterden barlyǧy 31 komanda qatysty.
Qalalyq Sporttyq baǧdarlau federasiiasynyŋ ökılı Äsel Baiahmetovanyŋ aituynşa, aksiianyŋ erekşelıgı sol, jas sportşylar jarys barysynda jol boiyndaǧy qoqysty jinady.
– Är komanda 4 qatysuşydan tūrdy: 10-14 jas aralyǧyndaǧy 2 ūl jäne 2 qyz. Qatysuşylardyŋ bärı qoqys dorbalary men qolǧaptarmen jabdyqtaldy. Sporttyq ıs-şara barysynda qatysuşylar karta men kompastyŋ kömegımen jergılıktı jerde ornalasqan baqylau punktterın, olardyŋ 8-ın tabuy kerek jäne märege mümkındıgınşe tez jetuı qajet. Jarystyŋ basty erekşelıgı – sportşylar jol boiynda kezdesken qoqysty jinauy tiıs. Märe syzyǧynda jinalǧan qoqys ölşenedı. Iаǧni, jarys qorytyndysynda sportşylardyŋ märege jetu jyldamdyǧy da, jinalǧan qoqystyŋ salmaǧy da eskerıldı, – dedı Äsel Baiahmetova.
Ūiymdastyruşylar mūndai ıs-şaralar densaulyqty jaqsartuǧa yqpal etetınıne jäne sonymen bırge qorşaǧan ortany tazartuǧa ülken üles qosatynyna senımdı. Būl rette Balalar-jasöspırımder turizmı jäne ölketanu ortalyǧy direktorynyŋ mındetın atqaruşy Asylan Kenjeǧaliev pıkır bıldırdı. Aituynşa, mūndai ıs-şara oquşylar arasynda ekologiialyq belsendılıktı damytu jäne salauatty ömır saltyn qalyptastyru, plogingtı keŋınen nasihattau maqsatynda ötkızıledı.
– Jügıru kezınde jarysqa qatysuşylar saiabaqtaǧy nemese jaǧalau boiyndaǧy qoqysty jinauǧa basymdyq beredı. Plogingtıŋ artyqşylyqtarynyŋ bırı – jūrt nazaryn qorşaǧan ortanyŋ lastanuyna audaru. Demek, janǧa rahat, köŋılge şattyq syilaityn tazalyq şaralaryn köbırek ūiymdastyrudyŋ paidasy mol, – dedı Asylan Kenjeǧaliev.
Jarys qorytyndysy boiynşa sporttyq ıs-şaraǧa belsene qatysa otyryp, qalanyŋ tazalyǧyna da üles qosqan K.Aqyşev atyndaǧy №69 mektep-gimnaziiasynyŋ komandasy bırınşı oryndy jeŋıp aldy. Al Abai Qūnanbaiūly atyndaǧy №87 mektep-gimnaziiasynyŋ qatysuşylary ekınşı orynǧa ie boldy. Üşınşı oryndy qaladaǧy №53 mektep-liseiı, D.Qonaev atyndaǧy №66 mektep-liseiı, A.Äl-Maşani atyndaǧy №92 mektep-lisei jäne №21 orta mektep komandalary özara bölıstı.
