Erteŋ Astanada robototehnikadan Ortalyq Aziiadaǧy eŋ ırı chempionat bastalady, – dep habarlaidy astana-akshamy.kz
23-25 aqpan künderı Əl – Farabi atyndaǧy Oquşylar saraiynda. əlemnıŋ 5 elınen 3000-nan astam qatysuşyny qabyldaityn Central Asia FIRST Championship resmi chempionaty bastalady. Oǧan Ortalyq Aziia elderınen basqa, Gonkong pen BAƏ myqty robototehnikterı qatyspaq. Jalpy chempionatqa elımızdıŋ tükpır-tükpırındegı ırıkteu chempionattary barysynda kvota alǧan 200-den astam komanda keledı.
Chempionat Düniejüzılık FIRST baǧdarlamasy aiasynda üş jas sanatynda ötedı: FLL Explore (6-10 jas), FLL Challenge (10-16 jas) jəne FIRST Tech Challenge (12-18 jas). Chempionatqa Robottar oiynynan basqa innovasiialyq jobalar baiqauy men töreşıler sessiialary kıredı.
Ortalyq Aziia chempionatynyŋ negızgı ūiymdastyruşylary Astana qalasy əkımdıgınıŋ jəne QR Oqu-Aǧartu Ministrlıgınıŋ qoldauymen Astana qalasynyŋ Bılım basqarmasy, USTEM Foundation QQ jəne «Daryn» RǦPO bolyp tabylady.
«Ortalyq Aziia chempionatyna bızdıŋ balalar alty ai boiy tabandylyqpen daiyndaldy, ırıkteu chempionattaryna qatysty, öz öŋırlerınde belsendı aǧartuşylyq qyzmet jürgızdı. Bızdıŋ əleumettık jelılerdegı komandalarǧa arnalǧan baiqauymyz erekşe nazar audaruǧa tūrarlyq, onda balalar mausym boiy tapsyrmalardy oryndap, olardy #FIRSTINSHOWKZ heştegımen jariialaidy. Qazır būl heşteg boiynşa 1000-nan astam jazba tırkelgen jəne bız FIRST qozǧalysy balalardy şynymen jıgerlendırıp, elımızge mektep qabyrǧasynan bastap jas injenerler men innovatorlardyŋ myqty qauymdastyǧyn qūruǧa kömektesetınıne quanyştymyz! Biylǧy jyly Ortalyq Aziia chempionaty erekşe mərtebege ie boluda – bız 5-ten astam el kütemız», – dedı USTEM Foundation qorynyŋ basşysy Asylbek Murzahmetov.
Esterıŋızge sala ketsek, FIRST chempionattary jyl saiyn ərtürlı taqyryptarda ötedı. Ūiymdastyruşylardyŋ aituynşa, būl komandalardy bılımge qūştar qalpynda ūstauǧa jəne olardyŋ jaŋa baǧyttarǧa degen qyzyǧuşylyǧyn damytuǧa mümkındık beredı. Biylǧy mausym öner taqyryby aiasynda qūralǧan, al jeŋımpazdar baǧaly syilyqtar – AQŞ, Avstraliia, Singapurdaǧy halyqaralyq jarystarǧa qatysuǧa lisenziialar jəne qazaqstandyq jəne şeteldık joǧary oqu oryndaryna granttar ala alady.
