Elordada naşaqorlyqtyŋ taraluyna qarsy «Täueldılıktı sportqa aiyrbasta» aksiiasy öttı. Is-şara Saryarqa audany äkımdıgınıŋ, qalalyq Dene şynyqtyru jäne sport basqarmasy men Jastar saiasaty mäselelerı basqarmasynyŋ qoldauymen ūiymdastyryldy.
Aksiia aiasynda elordalyq sportşylar qala tūrǧyndaryna elektrondy temekını sporttyq qūral-jabdyqtarǧa aiyrbastaudy ūsyndy.
«Kezektı aksiia aiasynda bız temekı jäne veip şegetın jastarǧa qoldaryndaǧy ziiandy zattardy boks qolǧabyna, dopqa, özge de jabdyqtarǧa aiyrbastaudy ūsynamyz. Osylaişa, bız elordalyqtardy salauatty ömır saltyna şaqyra otyryp, denı sau ūrpaq qalyptastyruǧa atsalysamyz» dedı Astana qalasy Jastar saiasaty mäselelerı basqarmasynyŋ basşysy Samat İbraev.
Elordalyq kiokuşinkai-kan karateşı Älihan Asubaev ta mūndai şaralardyŋ maŋyzdylyǧyn atap ötıp, jastardy sportpen ainalysuǧa şaqyrdy.
«Osy aksiia arqyly bız jastarǧa sportpen şūǧyldanyp, densaulyqtaryn kütu kerektıgın körsetıp, dūrys jolǧa salǧymyz keledı. Bızdıŋ äreketımız köpşılıkke motivasiia bolady dep senemız» dedı Älihan Asubaev.
Elorda mäslihatynyŋ deputaty, «Jastar ruhy» jastar qanatynyŋ töraǧasy Arslanbek Maǧzūmnyŋ aituynşa, aksiia barysynda jinalǧan elektrondy qūrylǧylar mamandandyrylǧan zauytta joiylatynyn aitty.
– Qazır bız terıs tendensiiany baiqap jürmız. 25 jasqa deiıngı jastar arasynda elektrondy temekınıŋ keŋ taraluy baiqalady. Būl mäsele öte özektı. Sondyqtan bügıngı maqsatymyz – jaman ädetterden arylu üşın bırıgıp jūmys ısteu, – deidı Arslanbek Maǧzūm.
«Täueldılıktı sportqa aiyrbasta» aksiiasy bır ai būryn belgılı qazaqstandyq sportşy Vasilii Tahtaimen bırge jürgızıldı. Ūiymdastyruşylardyŋ sözınşe, aksiia aldaǧy uaqytta da jalǧasady.
