Astanadaǧy Jastar teatrynyŋ talantty ūjymy 2024 jyldyŋ 1-10 mamyr aralyǧynda Türkiia memleketınıŋ Trabzon qalasynda ötetın XXIV Halyqaralyq Qara teŋız jaǧalauy teatrlar festivalıne qatysty. Jastar teatry Türkiianyŋ törınde mahabbat jaiynda tamaşa miuzikldı körermen nazaryna ūsyndy.
16 jyldyq tarihynda 16 Gran-pri jüldesın ielengen Jastar teatrynyŋ önerpazdary 3-4 mamyr künı
T.Ahmetjannyŋ «Taptym. Ǧaşyq boldym. Joǧalttym» miuziklın sahnalady.
Köl jaǧasyna demaluǧa kelgen jas jıgıt jaǧalaudan özınıŋ qiialyndaǧy aruyn jolyqtyrady. Alaida mahabbat bar jerde qarsylyqtyŋ da qatar jüretın aksiomasy būl oqiǧadan da ainalyp ötpeidı, sūludyŋ nekelı jary bar eken.
İä, mahabbat bar jerde qarsylyq qatar jüredı. Qaişylyqpen betpe-bet kelgende, sezımnıŋ de, önerdıŋ de ışkı qarsylyq qalyptastyrary sözsız. Mahabbat qoljetımsız bolǧan saiyn, oǧan degen essız qūştarlyqtyŋ örşi tüserı – ömır zaŋdylyǧy. Mıne, osy şarasyzdyqtyŋ şyŋynda ūly sezım – mahabbat tūr.
Sözben aityp jetkızgısız sezımderdıŋ äserı muzyka tılınde ün qatqanda tıptı küşeie tüspek. Jürek qylyn şerter mūŋly da syrly äuen terbegen ǧaşyqtardyŋ mahabbat hikaiasy körermenın de bei-jai qaldyrmasy anyq.
Qazaq tılınde qoiylǧan spektaklderdıŋ türıkşe nūsqasy arnaiy ekran arqyly körsetılıp otyrdy.
Jastar teatrynyŋ ūjymy tabiǧaty tamaşa Türkiia elınıŋ auasymen tynystap, öz önerlerın körsetıp, öner saparynan täjıribe jinaqtap, jaqsy äsermen qaitty.
