«Jasyl el»: eŋbek mausymy aşyldy
![](https://astana-akshamy.kz/wp-content/uploads/2024/06/610333885c78daf8f4fef1c1c1228964_1280x720-780x470.jpeg)
Astana qalasynyŋ Jastar saiasaty mäselelerı basqarmasynyŋ qoldauymen jäne Respublikalyq studenttık qūrylys jäne jastar jasaqtary qozǧalysy qoǧamdyq qorynyŋ ūiymdastyruymen «Jasyl el» studenttık qūrylys jäne jastar eŋbek jasaqtarynyŋ XX eŋbek mausymynyŋ saltanatty aşyluy öttı.
– «Jasyl el» jobasynyŋ jiyrmasynşy mausymy aiasynda 4200 adamdy jūmyspen qamtyp, onyŋ ışınde köpbalaly otbasylardan şyqqan balalarǧa, äleumettık az qamtylǧan otbasylarǧa järdemdesemız. Eŋ äuelı olarǧa arnaiy uniforma berıledı. Odan bölek 65 myŋ teŋgenıŋ kölemınde syiaqy tölenedı. 14 pen 16 jas aralyǧyndaǧy jasöspırımder künıne 4 saǧattan özderınıŋ oqu oryndarynda mektep qabyrǧasynda jūmys ısteidı. Qazırgı taŋda ekologiia mäselesı zor maŋyzǧa ie. Joba ūrany – «Astana – tazalyq pen tärtıptıŋ ülgısı». Jastar jazǧy demalystaryn paidalana otyryp, qorşaǧan ortanyŋ tazalyǧyn saqtauǧa üles qosady, – dedı «Jasyl el» jasaǧy basşysynyŋ orynbasary Asylbek Abdraşid.
«Jasyl el» jastar eŋbek jasaqtary baǧdarlamasy respublikanyŋ barlyq öŋırlerınde jäne Astana qalasy boiynşa jüzege asyryla bastady. Osy jiyrma jyldyŋ ışınde Astana qalalyq «Jasyl el» ştaby qalamyzda eleulı eŋbek atqaryp, 14 pen 35 jas aralyǧyndaǧy jūmyssyz jastar men studentterdı jazǧy eŋbek mausymynda jūmysqa ornalastyryp keledı.
– «Jasyl el» jobasynyŋ ūiymynda bolu öte keremet mümkındıkter syilauda. Olarǧa alǧysymdy bıldıremın. Osy jobanyŋ arqasynda tek jūmyspen qamtylu emes, bır-bırımızge kömektesu arqyly dostyǧymyz nyǧaiuda, elımnıŋ tazalyǧyna ülesımdı qosu men üşın zor märtebe, – dedı «Jasyl el» jobasynyŋ qatysuşysy Daniial Qotqan.
Anel AMANGELDİEVA, L.Gumilev atyndaǧy ūlttyq universitetınıŋ studentı