Bügınde äielderge arnalǧan vagondary bar poiyzdar 8 baǧyt boiynşa jürıp jatyr, dep habarlaidy astana-akshamy.kz
«Jolauşylar tasymaly» AQ baspasöz qyzmetınıŋ aqparaty boiynşa, ūlttyq tasymaldauşy kompaniia «Äielder tasymaly» jobasyn odan ärı damytu boiynşa äleumettık saualnama jürgızgen. Saualnamaǧa 600-den astam respondent qatysqan.
Saualnama nätijelerı boiynşa, biyl jazda taǧy üş baǧyt boiynşa äielder vagondaryn ıske qosu turaly şeşım şyǧarylǧan. Olar – №354/353 «Astana-Semei»; №24/23 «Aqtöbe-Almaty»; №25/26 «Almaty-Şymkent».
Sondai-aq, kompaniia ökılderınıŋ aituynşa, bügınde äielder vagondary bar poiyzdar mynadai 8 baǧyt boiynşa jüredı: №77/78 «Almaty-Maŋǧystau»; №351/352 «Almaty-Öskemen»; №45/46 «Pavlodar-Türkıstan»; №37/38 «Maŋǧystau-Semei»; №47/48 «Atyrau-Astana»; №33/34 «Aqtöbe-Almaty-1»; №4/3 «Astana-Almaty-2»; №71/72 «Astana-Şymkent».
Ūlttyq tasymaldauşynyŋ mälımetıne süiensek, 2024 jyldyŋ bırınşı toqsanynda 70 myŋnan asa äiel «Äielder vagondary» qyzmetın paidalanǧan. 2023 jylǧy körsetkıştermen salystyrǧanda jolauşylar sany 2 esege ösken.
Sondai-aq «Jolauşylar tasymaly» AQ baspasöz qyzmetınıŋ ökılderı jetı jasqa deiıngı er balalarǧa äielder vagondarynda jüruge rūqsat etılgenın eske saldy.
