Astana qalasynyŋ kommunikasiialar qyzmetı alaŋynda «Oqu jylynyŋ aiaqtaluy jäne balalardyŋ jazǧy demalysyn ūiymdastyru» taqyrybynda Astana qalasy Bılım basqarmasy basşysynyŋ orynbasary Marjan Kairbaeva brifing ötkızdı. Dialog alaŋynda oqu jylynyŋ aiaqtaluy, balalardyŋ jazǧy demalysyn ūiymdastyru turaly aityldy.
11-synypty 11 230 tülek aiaqtaidy
2023-2024 oqu jylynda elordada 263 myŋnan astam oquşy bılım aldy. Onyŋ ışınde 11-synypty 11 230 tülek aiaqtasa, 9 synypty 19 952 oquşy tämamdaidy. Altyn belgıge ümıtker 294 oquşy jäne 717 üzdık attestatqa ümıtker.
Biylǧy oqu jyly 25 mamyrda aiaqtalady. 24 mamyr künı mekteptıŋ
1-10 synyp oquşylary üşın «Bırtūtas tärbie baǧdarlamasy» şeŋberınde «Bılımım Otanyma» taqyrybyndaǧy bıryŋǧai synyp saǧattary ötkızıledı.
11 synyptyŋ mektep bıtıruşılerı üşın oqu jylynyŋ aiaqtaluyna arnalǧan «Soŋǧy qoŋyrau» ıs-şarasy 25 mamyrda ötetın bolady.
- ıs-şaralardy ötkızuge animatorlardy, merekelık agenttıkterdı, jeke studiialardy tartuǧa, merekelık üstelderdı ūiymdastyruǧa
- jalǧa berıletın avtokölıkterdı tarta otyryp, qala boiynşa köşpelı ekskursiialar ötkızuge
- äkımşılık pen pedagog qyzmetkerlerge syilyqtar üşın aqşalai qarajat jinauǧa rūqsat etılmeidı.
Qorytyndy attestattau – maŋyzdy synaq
9 (10)-synyp oquşylarynyŋ qorytyndy bıtıru emtihandary – aǧymdaǧy jyldyŋ 29 mamyr – 10 mausym aralyǧynda, 4 pännen ötkızıledı.
11 (12) synyp bılım aluşylarynyŋ memlekettık bıtıru emtihandary – aǧymdaǧy jyldyŋ 28 mamyry men 11 mausym aralyǧynda 5 pännen ūiymdastyrylady.
Biyl alǧaş ret 5-8, 10-synyptarda oquşylardyŋ baǧdarlamalar mazmūnyn meŋgeru deŋgeiın baǧalau maqsatynda qazaq tılı men ädebietı pänı boiynşa 27-31 mamyr aralyǧynda aralyq emtihandar ötkızılmek.
«Qazaq tılı» – qazaq synyptary;
«Qazaq tılı men ädebietı» – qazaq tılınen basqa tılde oqytatyn synyptar üşın.
Tapsyru türı: jazbaşa jäne auyzşa (tyŋdalym, aitylym, oqylym, jazylym daǧdylary boiynşa)
Elorda tülekterı üşın attestattardy saltanatty tabystau aǧymdaǧy jyldyŋ 14 mausymynda ötedı. Sondai-aq, elordada mektep tämamdaǧan tülekterdıŋ eŋ auqymdy keşı – «Elorda maqtanyşy-2024» forumy ötedı.
Jazǧy demalys qalai ūiymdastyrylady?
Demalys kezeŋınde balalardyŋ sauyqtyru demalysyn, bos uaqytyn jäne jūmyspen qamtyluyn ūiymdastyru kezınde balalardyŋ qauıpsızdıgı bılım basqarmasynyŋ basty nazarynda.
Osy jönınde bılım beru ūiymdarynyŋ barlyq basşylarymen polisiia, tötenşe jaǧdailar, sanitarlyq-epidemiologiialyq baqylau, Qoǧamdyq densaulyq saqtau basqarmalarynyŋ ökılderın şaqyra otyryp, keŋester, nūsqamalar jäne oqytu seminarlary ötkızıldı. Barlyq basşylarǧa balalardyŋ jazǧy demalysyn ūiymdastyru kezınde qauıpsızdık tehnikasyn saqtau turaly ūsynystar, jadynamalar berıldı.
Būdan basqa, bılım basqarmasy jazǧy demalysty ūiymdastyruǧa tartylǧan barlyq memlekettık qūrylymdardyŋ ışınen qalalyq vedomstvoaralyq ştab qūrdy, qalalyq ıs-şaralar jospary bekıtıldı.
15-20 mamyr aralyǧynda ştab müşelerı, bılım basqarmasynyŋ qyzmetkerlerı mektep janyndaǧy lagerlerdıŋ oquşylardyŋ jazǧy demalysynyŋ bastaluyna daiyndyǧyn aldyn ala tekserudı bastady.
2024 jyldyŋ jazǧy kezeŋınde jazǧy demalystyŋ barlyq türlerımen 1-10 synyptyŋ 206 468 oquşysy (96%) qamtylatyn bolady.
Balalardyŋ jazǧy demalysyn ūiymdastyru ekı baǧyt boiynşa jürgızıledı – sauyqtyru jäne jūmyspen qamtu.
Bırınşı baǧyt – balalardy sauyqtyru jäne demalu maqsatyn közdeidı.
Qalanyŋ bılım beru ūiymdarynyŋ bazasynda 97 mektep janyndaǧy lager, oquşylardyŋ qyzyǧuşylyqtary boiynşa 75 beiındık lager, balalar-jasöspırımder turizmı jäne ölketanu ortalyǧynyŋ bazasynda ornalasqan «Batyr» şatyrly lagerı jūmys ısteitın bolady. Aldaǧy 3 mausymda 150 bala qamtylady.
№ 43 qosymşa bılım beru mektep-ortalyǧynda 3 mausymnan 23 tamyzǧa deiın 720 balany qamtityn «Aq jelken » sport lagerı jūmys ısteidı. Az qamtylǧan otbasylardan şyqqan balalardyŋ jazǧy demalysyn tegın negızde ūiymdastyru üşın jalpyǧa bırdei bılım beru qorynyŋ qarajaty esebınen 7326 bala tegın demalady. Sondai-aq, jaqyn jäne alys şetelderge turistık saparlar kezınde 45 820 balany qamtityn ata-analardyŋ qarajaty esebınen demalys qarastyrylǧan.
Sonymen qatar, 1-4 synyp oquşylary «Böbek», 5-9 synyp oquşylary «Baldäuren-Şuchinsk», «Baldäuren-Qapşaǧai», «Baldäuren-Balqaş» respublikalyq sauyqtyru lagerlerınde sauyqtyrudan öte alady. Oqu-aǧartu ministrlıgınıŋ berılgen kvotalaryna säikes, osy lagerlerde az qamtylǧan jäne köp balaly otbasylardan şyqqan 458 bala jaz boiy demalady.
Kanikul kezınde balalar jūmyspen qamtylady
Demalysta balalardy jūmyspen qamtudy ūiymdastyru üşın 200 519 balany (99%) 4 baǧyt boiynşa qamtu josparlanuda.
Jūmyspen qamtu baǧyty boiynşa barlyǧy 43 417 balany qamtityn 116 ıs-şara ötkızu josparlanǧan. «Jasyl el» kögaldandyru brigadalarynda, jūmyspen qamtu ortalyqtary, joǧarǧy synyp oquşylarynyŋ eŋbek jasaǧynda, kögaldandyru brigadalary, mektep ormanşylyǧy, öndırıstık käsıporynda jūmys ısteuge, jazǧy mausym kezınde kompaniialarda kelısım-şart negızınde jūmys ısteuge, jöndeu-qūrylys brigadalarynda jäne otbasynda ata-analarmen jūmys ästeuge rūqsat berılgen.
Şyǧarmaşylyq jūmyspen qamtu baǧyty boiynşa 99 360 balany qamti otyryp, 300-den astam ıs-şara ötkızıledı. Ärtürlı mekemeler janyndaǧy qyzyǧuşylyqtar boiynşa klubtar men üiırmeler, aula klubtary jūmys ısteidı.
Sporttyq-turistık jūmyspen qamtu – barlyǧy 3330 balany qamtityn 483 ıs-şara ötkızıledı. 3 kündık joryqtar, ekskursiialar, oblys jäne respublika boiynşa turistık tanysu saparlary, köşpelı sporttyq jiyndar ūiymdastyrylady.
Ziiatkerlık jūmyspen qamtu-barlyǧy 4848 balalardy qamtityn 11 ıs-şara josparlanǧan. Olimpiadalyq rezervtıŋ, köşbasşylar aktivınıŋ jazǧy mektepterı, «Jas Ūlan», «Jas qyran» müşelerınıŋ jazǧy tıldık mektepterı, pıkırsaiys jasaqtary ötkızıledı.
Gülşat SAPARQYZY.
