Astanadaǧy jedel medisinalyq järdem parkınıŋ balansynda 145 kölık bar. Jaqyn arada avtopark taǧy 35 bırlıkke tolyqtyrylady. Bas qalanyŋ 2024-2026 jyldarǧa arnalǧan biudjetın naqtylau turaly Astana qalasy mäslihatynyŋ kezekten tys sessiiasynda qala äkımı Jeŋıs Qasymbek osyndai tapsyrma berdı. Jiynda şahar basşysy abattandyrudy jürgızu, aula men qala aumaqtaryn memleket mūqtajyna alu üşın biudjet artatynyn atap öttı.
Qalalyq mäslihattyŋ töraǧasy Erlan Kanalimovtyŋ aituynşa, Ükımettıŋ tapsyrmasyn oryndau aiasynda elorda äkımdıgı apatty jäne eskı tūrǧyn üi qoryn jaŋartu jobasyn ıske asyru kezınde daiyn tūrǧyn üidı satyp alu tetıgın äzırledı. Osyǧan bailanysty şamamen
1 400 päter satyp aluǧa obligasiialar şyǧarylatyn bolady. Sondai-aq «Samūryq-Qazyna» ūlttyq äl-auqat qorynyŋ dividendterı esebınen injenerlık jelıler qūrylysyn jalǧastyru jäne tūrǧyn alaptardy gazdandyru üşın qosymşa qarjylandyru josparlanuda.
Jalpy elorda biudjetı 48,8 mlrd teŋgege artady. Sonyŋ ışınde jeke kırıster tüsımderı ülesınde 23,8 mlrd teŋge jäne memlekettık qūndy qaǧazdar şyǧarudyŋ 25 mlrd teŋgesı bar.
Biudjetke engızıletın barlyq özgerısterdı mäslihat deputattary qoldady. Äsırese, apatty jäne tozyǧy jetken tūrǧyn üilerden tūrǧyndardy köşıru üşın zamanaui talaptarǧa sai päterler satyp alynatynyn erekşe atap öttı. Sondai-aq jiynda «Köktal-1» tūrǧyn alabynda ornalasqan № 41 mektepke qosymşa ǧimarat qūrylysyna 150 mln teŋge bölınetını aityldy. Būl mäselenı mäslihattyŋ bırneşe otyrysynda kötergen deputat Bauyrjan Smaiylov rizaşylyǧyn jetkızdı.
Sondai-aq mäslihat deputattaryna TAZA ASTANA internet-platformasy tanystyryldy. Soǧan säikes elordadaǧy barlyq PİK pen MİB qyzmetı bır jüiede bolady. Onyŋ basty mındetı – qala tūrǧyndaryn tazalyqty saqtauǧa, aulalar men ırgeles aumaqtardy bırlesıp tazalauǧa yntalandyru.
«Taza Astana» – kondominium obektısınıŋ üi janyndaǧy, aulalyq jäne ortaq aumaqtaryn paidalanu men kütıp-ūstau sapasyn baǧalau jüiesın engızuge arnalǧan kömekşı qūral. Basqaşa aitqanda, elorda tūrǧyndary PİK pen MİB jūmysyn ǧana emes, bolaşaqta kommunaldyq qyzmetterdıŋ jūmysyn baǧalai alady. Sonymen qatar, platformanyŋ arqasynda «Üzdık aula», «Üzdık PİK pen MİB» nominasiialarynyŋ jeŋımpazdary anyqtalady» deidı Erlan Kanalimov.
