Astana qalasynyŋ Dostyq üiınde Qazaqstan halqy Assambleiasynyŋ «Jürekten jürekke» arnaiy jobasynyŋ kezektı qaiyrymdylyq aksiiasy öttı.
Būl joly Soltüstık Qazaqstan oblysynyŋ su tasqynynan zardap şekken azamattaryna jalpy somasy 25 mln teŋgege 7 gumanitarlyq kömek toly jük maşinasy nemese 35 tonnaǧa juyq azyq-tülık, tösek-oryn jäne bırınşı qajettılıktegı zattar jöneltıldı.
QHA-nyŋ «Jürekten jürekke» qaiyrymdylyq jobasy barlyq qazaqstandyqtardyŋ qoldauyna ie boldy. Respublika boiynşa osy ūiymnyŋ 11 myŋnan astam erıktılerı jūmyldyryldy. Jalpy, zardap şekken aimaqtarǧa 385 tonna azyq-tülık jäne qajettı tauarlar jetkızıldı. Assambleia müşelerı körsetken gumanitarlyq kömektıŋ jalpy somasy şamamen 400 mln teŋgenı qūraidy.
Bügıngı taŋda elımızdıŋ barlyq öŋırlerınde QHA Dostyq üilerınıŋ negızınde gumanitarlyq kömek jinau punktterı jūmys ısteidı, onda bei-jai qaramaityn ärbır azamat kömekke öz ülesın qosa alady.
Qazaqstan halqy Assambleiasy töraǧasynyŋ orynbasary – QHA respublikalyq ştabynyŋ basşysy, aksiiany ūiymdastyruşy Aqbarjon İsmailov «Jürekten jürekke» qaiyrymdylyq jobasy aiasynda barlyq etno-mädeni ortalyqtar şet qalǧan joq. Özım öŋırlerdı aralap jürmın, aldyŋǧy künı Atyrau oblysynda boldym. Barlyq jerlerge kömek jetıp jatyr. Bügın taǧy da täjıkterdıŋ etno-mädeni ortalyǧy Astana qalasynan jetı jük kölıgın Soltüstık Qazaqstanǧa jönelttı. Būl qaiyrymdylyq aksiiasy aiasyndaǧy jalǧyz ıs-şara emes. Täjık etno-mädeni ortalyqtarynyŋ bas köterer azamattarynyŋ qoldauymen apat aimaqtarynda künıne myŋ adamdy ystyq tamaqpen qamtamasyz etıp otyr» dedı.
