Astana qalasy äkımdıgınıŋ Esıl audany boiynşa Belsendı ūzaq ömır süru ortalyǧynyŋ «Syr sandyq» tanymdyq erıktıler kluby Būqaralyq aqparat qūraldary qyzmetkerlerı künıne orai «Jurnalist – jarqyn ıster jarşysy» – ūrpaqtar sabaqtastyǧy» jobasy aiasynda ardager jurnalister men bırqatar BAQ qyzmetkerlerımen kezdesu ūiymdastyrdy.
Qonaqtardyŋ arasynda ardager jurnalistermen qatar Qazaq radiosy, «Egemen Qazaqstan», «Aiqyn», «Astana aqşamy», «Vecherniaia Astana» respublikalyq gazetterdıŋ, «Bag.kz» aqparat agenttıgınıŋ, «Qazaqstan» ūlttyq arnasynyŋ qyzmetkerlerı boldy. Jurnalisterdı qalalyq Belsendı ūzaq ömır süru ortalyǧynyŋ direktory Mūhtar Erketaev käsıbi merekelerımen qūttyqtap, ızgı lebızın jetkızdı.
Jurnalisterge mamandyǧyna qatysty türlı sūraqtar qoiyldy. «Ūly dala qyrandary» respublikalyq äleumettık-mädeni qozǧalysy töraǧasynyŋ orynbasary, Qazaqstan Jurnalister odaǧynyŋ müşesı Beibıtbek Äbdıkärımov jurnalistikaǧa kelgen joly turaly aityp berdı. «Astana aqşamy» gazetınıŋ şoluşysy Aigül Uais bas qala basylymynyŋ tarihy men baǧytymen tanystyrdy. Basylymymyz turaly zeinetker ūstaz Sūluşaş Qūlmalieva jyly pıkırın bıldırıp, osy gazet ünemı özektı mäselelerdı köteretının aityp, bas redaktordyŋ orynbasary Ǧalym Qojabekov pen şef-redaktor Tölen Tıleubaidyŋ esımderın erekşe atap öttı.
«Asyl mūra» dombyraşylar ansamblı, «Esıl tolqyndary» halyqtyq ardagerler ansamblı, «Saǧynyş sazy» ūlttyq vokaldyq ansamblınıŋ änşısı Saltanat Şamina kümbırlegen küiler men äsem ändermen qonaqtardyŋ köŋılın köterdı. Ortalyq atynan ardager jurnalister men BAQ qyzmetkerlerıne alǧys hattar, estelık syilyqtar tapsyryldy.
