«Taza Qazaqstan. Astana – tazalyq pen tärtıptıŋ ülgısı» atty auqymdy ekologiialyq aksiiasyna jurnalister de qoldau körsettı, dep habarlaidy astana-akshamy.kz
L.N.Gumilev atyndaǧy Euraziia ūlttyq universitetı jurnalistika jäne saiasattanu fakultetınıŋ studentterı men «Egemen Qazaqstan» respublikalyq gazetınıŋ qyzmetkerlerı «Jurnalister alleiasynda» tazalyq ıs-şarasyn ūiymdastyrdy.
Ūiymdastyruşylar jalpyūlttyq aksiiaǧa üles qosyp, alleia aumaǧyn tazalap, retke keltırıp qoiu basty maqsattary ekenın aitty.
«Taza Qazaqstan» ekoaksiiasy aiasynda L.N.Gumilev atyndaǧy Euraziia ūlttyq universitetı jurnalistika jäne saiasattanu fakultetınıŋ şemımımen «Jurnalister alleiasyn» tazartyp, ärı tamaşalap qaitaiyq» degen niet boldy. Būl fakultetımızdıŋ tuǧan künımen de tūspa-tūs kelıp otyr. Fakultetımız 5 mamyr künı aşylǧan bolatyn. Osy bastamamyzdy kafedra meŋgeruşılerı, oqytuşylar, studentter jäne 12 basylymnyŋ basyn bırıktırgen «Qazaq gazetterı» serıktestıgı qoldap, onyŋ ışınde «Egemen Qazaqstan» gazetı de bızben bırge tazalyq aksiiasyna qatysyp jatyr, – dedı L.N.Gumilev atyndaǧy Euraziia ūlttyq universitetı jurnalistika jäne saiasattanu fakultetınıŋ dekany, professor Qairat Saq.
Ekoaksiia qatysuşylary ıs-şaranyŋ simvolikalyq män-maŋyzyna da toqtalyp öttı.
«Osy jerde ötıp jatqan tazalyq aksiiasynyŋ simvolikalyq mänı bar. Öitkenı būl jer tek qana Jurnalister alleiasy emes, «Egemen Qazaqstan» gazetı köşesı. Astanada aqparat qūraldarynyŋ atyna berılgen ekı köşe bolsa, sonyŋ bıreuı – osy. Al ekınşısı «Qazaq radiosy» köşesı ekenın bılesızder. Mūnyŋ tazalyq qana emes, maǧynalyq mänı bar ıs-şara deuge bolady. «Tazalyq bar jerde adamnyŋ jany taza, aulasy tazanyŋ auasy taza» dep jatady. Sondyqtan būl – tazalyqqa, ülkendı syilauǧa şaqyratyn aksiia, – dedı «Egemen Qazaqstan» gazetınıŋ şef-redaktory Quat Äuesbai.
Osy apta «Önegelı ūrpaq» dep atalady jäne ardagerler aulalary men qarttar üilerınıŋ aumaqtaryn tazalauǧa jäne abattandyruǧa arnalǧan.
Auqymdy ekoaksiia aiasynda qalany sanitarlyq tazartu, nöser jäne aryq kärız jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılıp jatyr.
Sondai-aq, jasyl jelekterdı kütıp-baptau jäne otyrǧyzu, sauda obektılerıne ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t.b. jūmystar jürgızılude.
