Jyl basynan berı elordada moped jürgızuşılerınıŋ qatysuymen 90 jol-kölık oqiǧasy tırkeldı, dep habarlaidy astana-akshamy.kz
Būl degenımız, ekı aptada bır JKO bolyp tūrady degen söz. Sol sebeptı tärtıp saqşylary būl sanattaǧy jürgızuşılerdı ūdaiy nazarynda ūstap otyr.
Astana qalasynyŋ polisiia qyzmetkerlerı jol-kölık oqiǧalaryn azaitu maqsatynda tūraqty negızde mopedter men motorollerlerdı qauıpsız jürgızu, olardyŋ jol qozǧalysy erejelerı talaptaryn saqtauy boiynşa profilaktikalyq jäne tüsındıru jūmystaryn jürgızedı.
Jaz mezgılı bastalysymen elorda joldarynda atalǧan kölıkterdı basqaryp, jol erejesın öreskel būzyp, jol-kölık oqiǧasyna jiı ūşyraityn jürgızuşıler kezdesıp jatady. Mäselen “Qūqyqtyq tärtıp” jedel-profilaktikalyq ıs-şarasy barysynda bır täulıkte jol erejesın būzǧandar üşın kommunaldyq tūraqqa 92 moped qoiylǧan.
Jyl basynan moped jürgızuşılerınıŋ qatysuymen 90 jol-kölık oqiǧasy tırkelıp, 22 adam ärtürlı auyrlyqtaǧy dene jaraqattarymen auruhanaǧa jetkızılıp, alǧan jaraqattan 1 adam qaitys bolǧan. Sondai-aq elektroskuter jürgızuşılerınıŋ qatysuymen 9 jol-kölık oqiǧasy tırkelgen.
Esterıŋızge sala keteiık, elordada 20-30 mausym aralyǧynda qoǧamdyq tärtıptı tiıstı deŋgeide saqtau maqsatynda “Qūqyqtyq tärtıp” jedel-profilaktikalyq ıs-şarasy jürgızılıp jatyr.
