Bas qalada armanyn Alaş ideiasymen ündestırıp, alǧa qoiǧan maqsat-müddesın tuǧan halqynyŋ bolaşaǧymen bailanystyruǧa qūştar sanaly ūrpaq ösıp keledı. Solardyŋ bırı – elordadaǧy Älımhan Ermekov atyndaǧy №38 mektep-liseidıŋ 7 «Ä» synyp oquşysy Tolǧanai Esılbai.
Bas qaladaǧy Qadyrǧali Qamalūly basşylyq etıp otyrǧan №38 mektep-liseidıŋ belsendı şäkırtı 2017 jyldan berı Tättımbet Qazanǧapūly atyndaǧy №1 öner mektebınde dombyra, fortepiano, solfedjio, hor synyptarynan därıs alyp, olardy üzdık aiaqtap şyqty, Oquşylar saraiynda vokal üiırmesıne qatysyp jür.
2023-2024 oqu jylynda alǧan üzdık bılımı men şyǧarmaşylyq qabıletınıŋ arqasynda joǧary nätije körsetıp, mektebınıŋ maqtanyşyna bölengen Tolǧanai Esılbai «Jyl oquşysy-2024» nominasiiasy men Ardaq Qazmaǧanbetovanyŋ jetekşılıgımen Būqar jyrau Qalqamanūlynyŋ 355 jyldyǧy aiasynda ötken änşı-jyrşylar nominasiiasynda bas jülde iegerı, respublikalyq jyrşy-termeşıler baiqauynyŋ jeŋımpazy, «Şattyq-2024» baiqauynyŋ altyn medal iegerı atandy.
Saryarqanyŋ samalymen terbelıp, esıp aqqan Esılge erkelei köz tastaǧan qazaqtyŋ han ordasy – eŋselı astanamyzda düniege kelgen Tolǧanai Dumanqyzy tarihi kinolar körgendı ūnatady eken.
– Menıŋ tarihqa qyzyǧuşylyǧymdy oiatqan osy öŋırge belgılı azamat, kezınde oblystyq, respublikalyq basylymdarda qyzmet etken, Qazaqstan Jurnalister odaǧynyŋ müşesı, aqyn-jazuşy, jurnalist, marqūm atam Amantai Äbılūly Esılbaev edı. Kışkentai kezımnen sol kısınıŋ qasynda bolyp, äsırese aşarşylyq kezındegı jäne düniejüzılık soǧys uaqytyndaǧy qazaqtyŋ bastan keşken qiyndyǧy men elımız turaly tarihty tereŋırek bıluge ūmtyldym. Suret salǧandy ūnatamyn. Qylqalammen ündese otyryp, tarihi qūndylyqtardyŋ syryn tereŋ ūqqym keledı, – dedı Tolǧanai Esılbai.
Iŋkär BEKBOLATOVA,
L.Gumilev atyndaǧy Euraziia ūlttyq universitetınıŋ studentı
