Memlekettık qyzmet ısterı agenttıgınıŋ Astana qalasy boiynşa departamentı janynan alǧaş ret «Tälımgerler keŋesı» qūrylyp, konsultativtık-keŋesşı organynyŋ bırınşı otyrysy öttı.
Keŋestıŋ qūramynda bılıktı ärı täjıribelı memlekettık qyzmet ardagerlerınen qūralǧan 9 müşe bar. Aldaǧy uaqytta olar jergılıktı memlekettık organdar basşylarynyŋ käsıbi beiımdeluıne kömek körsetedı. Sonymen qatar kadr qūramynyŋ tūraqtylyǧyn qamtamasyz etedı. Jas qyzmetşılerge jūmysty tiımdı josparlaudy üirete otyryp, qiyn kezde oŋtaily şeşım qabyldauǧa baǧyt-baǧdar beredı.
«Būl keŋes – Memlekettık qyzmet ısterı agenttıgınıŋ bastamasy. Tek Astana qalasynda emes, basqa öŋırlerde de qūrylady. Keŋes müşelerı öŋırdegı jūmysty bastap ketken. Būl joba arqyly jastar bılıktı mamandarmen täjıribe almasyp, türlı memlekettık basqarudaǧy ädıs-täsıldı meŋgere alady» dedı öz sözınde Memlekettık qyzmet ısterı agenttıgı Astana qalasy boiynşa departamentınıŋ basşysy, ädep jönındegı keŋes töraǧasy, «Tälımgerler keŋesı» konsultativtık-keŋesşı organynyŋ teŋ töraǧasy Äli Kömekbaev.
Maŋyzdy ūiymnyŋ alǧaşqy otyrysyna qalalyq ardagerler ūiymynyŋ ökılderı men Astana qalasy äkımdıgıne qarasty organdardyŋ basşylary qatysty. Onda ūiym müşelerı jaŋadan qyzmetke sailanǧan basşylarǧa özınıŋ eŋbek jolyn aityp, täjıribesımen bölıstı.
– Täjıribemdı qoldanaiyn dep jastarǧa tälım-tärbie beruge, olarmen pıkır almasuǧa, ūsynysymdy aituǧa, ärine, daiynmyn. Aqyl tyŋdap, aqyl toqtatqan adam eşuaqytta azbaidy da, tozbaidy da, – dedı «Qazindustry» AQ täuelsız direktory, «Tälımgerler keŋesı» konsultativtık-keŋesşı organynyŋ müşesı Ersūltan Bektūrǧanov.
