Ел тынысы
Мерекеге орай бұқаралық велошеру өтеді
![](https://astana-akshamy.kz/wp-content/uploads/2024/06/f9992a9620cc2cf244423eab47393b54_1280x720-780x470.jpeg)
Астанада 8 маусым күні Мемлекеттік рәміздер күніне орайластырылған бұқаралық велошеру өтеді, деп хабарлайды astana-akshamy.kz
Велосипедшілер Қосшыға қарай жол бойындағы айналма веложолдан 25 шақырым қашықтықты Үркер (Ильинка) тұрғын алабының «Жасыл белдеу» саябағында мәреге жетеді.
Велошеруге қатысуға ниет білдірушілерді тіркеу сағат 08:00-ден 09:00-ға дейін жалғасады. Басталуы 09:00. Тіркелу тегін.
Іс-шара аяқталғаннан кейін мәреде тіркелген велосипедшілер арасында лотерея және бағалы сыйлықтар ойнатылады.
Әрбір қатысушы өз велосипедімен веложарысқа жіберіледі. Шлемнің болуы міндетті.
Іс-шара спорттық жарыс болып саналмайды.
Мерекелік велошеруге елорданың кез келген тұрғыны мен қонақтары қатыса алады.