ETANDAU.GOV.KZ электронды платформасын сынақтан өткізу сәтті аяқталды, деп хабарлайды astana-akshamy.kz
Пилоттық жобаға Астана қаласынан 98 мектеп, Алматы қаласынан 215 мектеп, Қостанай облысынан 445 мектеп қатысты.
Еске сала кетейік, ЕTANDAU арнайы платформасы – білім беру саласында ашықтық пен объективтілікті қамтамасыз ету мақсатында Республикалық ғылыми-практикалық білім мазмұнын сараптау орталығымен әзірленген жоба. Бұл платформа педагогтерге өз пәндері бойынша мектеп оқулықтарын таңдауға мүмкіндік береді.
Ал платформаны пайдалану бойынша оқыту семинарлары жалғасуда. 1 наурыз күні Орталық ETANDAU.GOV.KZ электронды платформасында жұмыс істеу бойынша 20 өңірдің Білім басқармасының мамандарына арнап семинар ұйымдастырды.
