Қабанбай батыр даңғылының учаскесі жөндеу жұмысына байланысты жабылды, деп хабарлайды astana-akshamy.kz
Елорданың Көлік және жол-көлік инфрақұрылымын дамыту басқармасы осы жылдың 1-3 маусымы аралығында Қабанбай батыр даңғылының Алматы көшесінен Керей Жәнібек хандары көшесіне дейінгі аралығында орташа жөндеу жүргізуді жоспарлап отыр.
Осы күндері жоғарыда аталған учаскеде қозғалыс толығымен жабылады.
Сондай-ақ, осы жылдың 2 маусымы күні сағат 7:00-ден 3 маусымы сағат 7:00-ге дейін Керей-Жәнібек хандары көшесі мен Қабанбай батыр даңғылының қиылысында көлік құралдарының қозғалысы толығымен жабылады.
Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.
