Түркия Республикасына жұмыс сапарынан кейін елордалық мәслихат Астана әкімдігінің Қоғамдық денсаулық сақтау басқармасы мен цифрландыру саласындағы көшбасшы – «AKGUN» түрік компаниясы арасындағы ынтымақтастық туралы Меморандумға қол қоюдың бастамашысы болды. Бұл туралы мәслихат төрағасы Ерлан Каналимов мәлім етті.
«Қол қойылған құжат медициналық мекемелерді Автоматтандыру және цифрландыру саласындағы ынтымақтастықты, компанияның елордалық емханаларға инновациялық жетістіктерін енгізуді, дәрігерлер арасында тәжірибе алмасуды, сондай-ақ жабдықтарды кеңейту мен жаңғыртуды, медициналық персоналды қаржылық ынталандыруды жақсартуды көздейді. Қанатқақты жоба №2 қалалық көпсалалы аурухана базасында енгізілетін болады» деп жазды Е.Каналимов әлеуметтік желідегі парақшасында.
