Қазақстанда жылына 1 мың жетім бала асырап алынады
![](https://astana-akshamy.kz/wp-content/uploads/2024/05/e963da2e-a6f7-4472-b4da-f9cdbca79ba4-780x470.jpg)
Елімізде 21 мың жетім баланың 17 600-і отбасыларда тәрбиеленуде. Жыл сайын азаматтар 1 мыңға жуық жетім баланы өз отбасына алады, деп хабарлайды astana-akshamy.kz.
Тәлімгерлік институты енгізілді: 300 жуық адам жетім балаларға тәлімгер болды. Бұл туралы ОКҚ алаңында өткен дөңгелек үстелде ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова айтты.
«Мемлекеттің басым міндеті – балаларды көшедегі, үйдегі және мектептегі қауіпті жағдайлардан қорғау. Сондықтан балалар объектілерінде бұрын-соңды болмаған кешенді қауіпсіздік шаралары жүзеге асырылуда. Мемлекеттік білім беру ұйымдарының 100%-ы қауіпсіздік жүйелерімен қамтамасыз етіліп, ЖБО-ға қосылды, лицензияланған күзет қойылып, дабыл түймелері орнатылды», – деді спикер.