Астанада Шығыс Қазақстан облысы әкімінің симфониялық оркестрінің «Классикалық музыка кеші» концерті өтті. Іс-шара аталмыш өнер ұжымының 20 жылдығына арналды.
Ұжымның бас дирижері – Александр Галсанов. Концерттік бағдарламада қазақстандық және шетелдік белгілі композиторлардың вокалдық, классикалық және аспаптық шығармалары орындалды. Концертке «Ертіс концерт» КМҚК халықаралық және республикалық байқауларының лауреаттары Ботагөз Жұмабекова, Жанат Бисімбаев, Арника Байбосынова, Абай Қайырбек, Дарын Бисаринов, Мәдениет саласының үздігі Айжан Мазкенова, Мәдениет қайраткері Альмира Нұрғожина, Қазақстанның еңбек сіңірген әртісі Вячеслав Ткач қатысты.
