Нұра ауданының прокуратурасында бір жеке сот орындаушысының алимент төлеуге арналған 1 млн теңгеден астам ақшаны жымқырған әрекеті бойынша қылмыстық іс тіркелді, деп хабарлайды astana-akshamy.kz
ЖСО бір жыл бойы борышкердің ақшасын жас баланың анасының орнына өз ұлының шотына аударғаны анықталды.
Өндіріп алушы алимент берешегін өндіріп алу жөнінде борышкерге қатысты шара қолдану туралы ЖСО-ға жүгінген, алайда борышкер берешегін уақтылы жолдап отырған.
Жеке сот орындаушысына қатысты қызметтік өкілеттігін асыра пайдаланғаны үшін қылмыстық іс сотқа жолданды.
