«Жасай бер, жайна, Астанам» бұқаралық велошеруі өтеді
![](https://astana-akshamy.kz/wp-content/uploads/2024/06/78fc61374588e55efafda08319c27714_1280x720-780x470.jpeg)
Астана қаласы әкімдігінің қолдауымен 30 маусым күні Астана күніне орайластырылған «Жасай бер, жайна, Астанам!» атты бұқаралық велошеру өтеді, деп хабарлайды astana-akshamy.kz.
Велосипедшілер Қосшыға қарай жол бойындағы айналма веложолдан 25 шақырым қашықтықты «Үркер» (Ильинка, «Жасыл белдеу») тұрғын алабының саябағында мәреге жетеді.
Велошеруге қатысуға ниет білдірушілерді тіркеу сағат 07:00-ден 08:00-ға дейін жалғасады. Басталуы 08:00. Тіркелу тегін.
Шара аяқталғаннан кейін мәреде тіркелген велосипедшілер арасында лотерея және бағалы сыйлықтар ойнатылады.
Әрбір қатысушы веложарысқа өз велосипедімен жіберіледі. Шлемнің болуы міндеттеледі.
Айта кетсек керек, іс-шара спорттық жарыс болып саналмайды. Мерекелік велошеруге қатысуға елорданың барлық тұрғындары мен қонақтары шақырылады.