Бірлік пен татулықтың отаны
Қазақстан халқының бірлігі күніне орай «Қазақстан – бірлік пен татулықтың Отаны» тақырыбында дөңгелек үстел өтті.
Оған Астана қаласы Қазақстан халқы ассамблеясы ғылыми-сараптамалық тобының мүшелері, этномәдени бірлестіктердің төрағалары, Астана қаласындағы «Ассамблея жастары» өкілдігінің мүшелері қатысты.
Іс-шараға Астана қаласы Қазақстан халқы ассамблеясы ғылыми-сараптамалық тобының төрағасы, Л.Гумилев атындағы Еуразия ұлттық университетінің профессоры, тарих ғылымдарының докторы Тілеген Садықов модераторлық етті.
Жиын барысында қатысушы спикерлер бірлік пен келісім тақырыбында баяндама жасап, Қазақстан халқы ассамблеясының мақсаты мен міндеті және бүкілқазақстандық бірліктің бірегей моделін қалыптастырудағы оның рөлі жайлы әңгіме қозғады.
Астана қаласы Қазақстан халқы ассамблеясының құрылымдық бөлімшелерінің бірі болған ғылыми-сараптамалық топтың негізгі міндеті – этносаясаттың өзекті бағыты бойынша ҚХА қызметін ғылыми-сараптамалық сүйемелдеу.