Баскетбол бәсекесі
![](https://astana-akshamy.kz/wp-content/uploads/2023/09/e75dc85f-e631-4830-b379-dc5c49815f01-780x470.jpg)
Міржақып Дулатұлы атындағы №68 мектеп-гимназияда Сарыарқа ауданының тұрғындары арасында баскетболдан қалалық ашық турнир өтті.
Қалалық турнирдің ашылу салтанатына Дене шынықтыру және спорт басқармасының басшысы Самат Жылқыбаев қатысып, сәттілік тіледі.
Қатысушы командалар жеребе бойынша топ-топқа бөлініп, командалар арасында тартысты ойындар болды. Жанкүйерлер өз командасын қызу қолдап, жарыстың көркін кіргізді.
Турнир қорытындысымен «Нұрбесік» командасы бірінші орын алды. Екінші және үшінші орынды «Көктал-2» мен «Жалын» командасы өзара бөлісті.
Ойыншылар арасында «Жалын» командасының капитаны Ерболат Есмағанбетов «Үздік қорғаушы» атанды. Бауыржан Үрбаев («Нұрбесік» командасы) – «Үздік орталық ойыншысы», Сайран Каппасова («Көктал-2» командасы) – «Үздік ойыншы», Алданыш Алдажаров («Көктал-2» командасы) «Үздік шабуылшы» атанды.