Биыл көктемде Астанада шахматтан әлем чемпионаты жалауын көтереді.
Мәдениет және спорт министрі Асхат Оралов Халықаралық шахмат федерациясының (FIDE) президенті Аркадий Дворкович бастаған ресми делегациямен кездесу өткізіп, көктемде Астанада өтетін шахматтан әлем чемпионатын ұйымдастыру және басқа да бірнеше маңызды тақырыпты талқылады.
FIDE таңдауы біздің елге кездейсоқ түскен жоқ. Бүгінгі таңда Қазақстанда 255 мыңға жуық адам 7618 секцияда шахматпен жүйелі түрде айналысады. Жаңа оқу жылының басынан 28 мыңға жуық баланы қамтыған 654 мектепте «Шахмат» пәні факультатив ретінде енгізілді.
