Астана қаласының Байқоңыр ауданы әкімінің міндетін атқарушы Досхан Тұяқпаев аудандағы көпбалалы аналарға мемлекеттік алтын және күміс алқаларын табыстады.
– Бір қолымен бесікті, екінші қолымен әлемді тербеген сіздер қашан да аман болыңыздар. Отбасының алтын діңгегі болып, тағылымды тәрбие, ізгі дәстүрлер сабақтастығын жалғап жүре беріңіздер. Өз атымнан сіздерге үлкен ризашылығымды білдіремін. Дендеріңіз сау, отбасыларыңыз аман болсын. Өсіріп отырған ұл-қыздарымыз, тәуелсіз еліміздің дамуына үлес қосатын азамат болсын! – деді Досхан Тұяқпаев.
