استاناداعى ساكەن سەيفۋللين مۋزەيىندە «ۇلى جەڭىس باتىرلارى جانە قاسىم» اتتى فوتوكورمە اشىلدى.
9 مامىر قارساڭىندا مۋزەيدە مۇراعات سۋرەتتەرى مەن ەكىنشى دۇنيەجۇزىلىك سوعىسقا قاتىسقان قازاقستاندىق باتىرلار تۋرالى اقپارات ۇسىنىلعان ارنايى ستەند ۇيىمداستىرىلدى.
فوتوكورمەنىڭ باستى ماقساتى – ەرلىگىمەن ەل قورعانى بولا بىلگەن باتىرلار مەن قازاقتىڭ قايسار پارتيزانى قاسىم قايسەنوۆتىڭ ەرلىگىن كەلەشەك ۇرپاققا ناسيحاتتاۋ.
كورمەگە كەلۋشىلەر قازاقتان شىققان جالعىز ايەل-ۇشقىش حيۋاز دوسپانوۆانىڭ, ەكى مارتە كەڭەس وداعىنىڭ باتىرى, ۇشقىش تالعات بيگەلدينوۆتىڭ, قاھارمان قازاق قىزدارى, كەڭەس وداعىنىڭ باتىرى مانشۇك مامەتوۆا مەن ءاليا مولداعۇلوۆانىڭ, رەيحستاگقا جەڭىس تۋىن تىككەن باتىر, حالىق قاھارمانى راقىمجان قوشقارباەۆ جانە تاۋەلسىز قازاقستاننىڭ ءبىرىنشى قورعانىس ءمينيسترى ساعادات نۇرماعامبەتوۆتىڭ تاريحىمەن جانە ەڭبەكتەرىمەن جاقىنىراق تانىسا الادى. سونداي-اق تاۋەلسىز قازاقستاننىڭ ەڭ العاشقى حالىق قاھارمانى قاسىم قايسەنوۆ جانە ەكىنشى دۇنيەجۇزىلىك سوعىس باتىرلارى جايلى فوتوسۋرەتتەر كورمە بۇرىشىنا قويىلعان.
فوتوكورمە 11 مامىرعا دەيىن جالعاسادى.
