بۇل سۋرەت 1962 جىلدىڭ قازان ايىندا تۇسىرىلگەن. تسەلينوگراد قالاسىنىڭ كوشەسىندە ول كەزدە جۇگىرۋدەن جارىس وتكىزۋ قالىپتى جاعداي, ءداستۇرلى داعدىعا اينالعانداي ەدى.
ويتكەنى جۇگىرۋدىڭ ادام اعزاسىنا قانشالىقتى پايدالى ەكەنى تۋرالى كەڭەس زامانىندا كوپ ايتىلاتىن, ءباسپاسوز بەتىندە كەڭىنەن ناسيحاتتالاتىن. اسىرەسە تىڭ ولكەسىندەگى تسەلينوگراد قالاسىندا سپورتتىڭ وسى تۇرىنە اسا ماڭىز بەرىلەتىن. ولاي دەيتىنىمىز, تەك 1961-1962 جىلدارى شاھاردا ءتۇرلى قاشىقتىققا جۇگىرۋ, ۇزىندىق پەن بيىككە سەكىرۋ سياقتى جەڭىل اتلەتيكادان جەتى رەت وبلىستىق جارىس وتكىزىلىپتى. مىنە, وسىنداي كەزەكتى قالا كاسىپورىندارى جۇمىسشىلارى مەن قىزمەتكەرلەرى اراسىندا 3 مىڭ مەتر قاشىقتىققا جۇگىرۋ باسەكەسىندە «تسەلينسەلماش» زاۋىتىنىڭ جۇمىسشىسى يبادوللا سماعۇلوۆ توپ جارىپ, باس جۇلدەنى يەمدەنگەن. جەرلەستەرى ونىڭ تەك جۇگىرۋ عانا ەمەس, فۋتبول مەن شاحماتتى دا وتە جاقسى وينايتىنىن ەسكە الادى.
سۋرەتتە سول كەزدەگى
ورتالىق كوشەنىڭ ءبىرى – كارل ماركس (كەنەسارى) كوشەسى
بويىنداعى جۇگىرۋ
جارىسىنان كورىنىس.
