1972 جىلدىڭ 26 ناۋرىزىندا تسەلينوگراد قالاسىنداعى تىڭ يگەرۋشىلەر سارايىندا قازاق كسر حالىق ءارتىسى شامعون قاجىعاليەۆ باستاعان بۇكىلوداقتىق جانە حالىقارالىق كونكۋرستاردىڭ لاۋرەاتى, بۋحارەستتە وتكەن جاستار مەن بۇكىلدۇنيەجۇزىلىك IV فەستيۆالىنىڭ باس بايگەسىن جەڭىپ العان قازاقتىڭ قۇرمانعازى اتىنداعى مەملەكەتتىك حالىق اسپاپتارى وركەسترىنىڭ كونتسەرتى ءوتتى.
وركەستردىڭ كوركەمدىك جاعىن باسقارۋشى جانە باس ديريجەرى ش.قاجىعاليەۆتىڭ ديريجەرلىك ەتۋىمەن وركەستر قازاق حالقىنىڭ بايىرعى كۇيلەرىن بابىنا كەلتىرىپ ورىنداپ, تىڭداۋشىلارىن ءبىر جەلپىنتىپ تاستادى. سودان كەيىن قۇرمانعازى مەن داۋلەتكەرەيدىڭ كۇيلەرى, موتسارت پەن برامستىڭ كلاسسيكالىق شىعارمالارى دا كوپشىلىكتىڭ قۇلاق قۇرىشىن قاندىردى.
باي رەپەرتۋارى, وزىندىك ورىنداۋ قاسيەتى, كوركەمدىك شەبەرلىگى بيىك وركەستر تىڭداۋشىلار قۇرمەتىنە بولەندى. جينالعان جۇرت وركەستر مەن ونىڭ سوليستەرىنىڭ ورىنداۋىندا نەبىر سۇلۋ اۋەن, سىرلى ساز ەستىدى.
سۋرەتتە: وركەستر قۇرامىنداعى رەسپۋبليكامىزدىڭ حالىق ءارتىسى, دومبىراشى باقىت قارابالينا دينانىڭ «بۇلبۇلىن» ورىنداۋدا.
عازيزا يساحان
سۋرەت قر كينوفوتوقۇجاتتار مەن دىبىس جازبالار ارحيۆىنەن الىندى.
