كەڭەس زامانىندا تسەلينوگراد قالاسىندا تورت, ءتاتتى نان ءپىسىرىپ ساتاتىن ازپازدىق دۇكەندەر از بولماعان. سولاردا كوبىنە مەكتەپتى جاڭا عانا بىتىرگەن جاس قىزدار جۇمىس ىستەيتىن. شاھاردىڭ بايىرعى تۇرعىنى تانا مىرزابەكوۆا 10-سىنىپتى ءتامامداي سالىسىمەن وسىنداي دۇكەندەردىڭ بىرىنە قىزمەتكە الىنىپتى.
«ءاۋ باستا ۇيرەنۋشى بولىپ كەلىپ, كەيىن اسپازدىق تاعامداردى ءپىسىرىپ ساتاتىن مامانعا اينالدىم. ءوزىم دە تالاي جاستى تاربيەلەپ شىعاردىم» دەپ ەسكە الادى ول.
راسىندا دا, 70-جىلداردىڭ اياعى مەن 80-جىلداردىڭ باسىندا اسپازدىققا وقۋشىلاردى مەكتەپ قابىرعاسىندا-اق باۋلي باستايتىن. ماسەلەن, 1984-1985 جىلدارى تسەلينوگراد مەكتەپتەرىندە ءۇي شارۋاشىلىعى ۇيىرمەسى جۇمىس ىستەپتى. ۇيىرمەدە قىزدار تاماق دايىنداۋدىڭ ءادىس-ءتاسىلىن مەڭگەرىپ, اسپازدىقتى دا ۇيرەنگەن.
سۋرەتتە كەشەگى جانە بۇگىنگى مەكتەپتەگى ۇيىرمە مۇشەلەرى ساباق ۇستىندە.
