– مەملەكەت باسشىسىنىڭ قاۋلىسىنا سايكەس, بيىل 20 قاراشادا كەزەكتەن تىس پرەزيدەنت سايلاۋى وتەدى. ەل تۇرعىندارىن ماڭىزى جوعارى ساياسي ناۋقان كۇتىپ تۇر. بۇل سايلاۋ ناۋقانى ەل ەكونوميكاسىن قارقىندى دامىتۋدى, حالىقتىڭ ءال-اۋقاتىن ارتتىرۋدى كوزدەيتىن مىندەتتەردى جۇزەگە اسىرۋعا مۇمكىندىك بەرەدى دەگەن سەنىمدەمىن. دەموكراتيانىڭ جارقىن ۇلگىسى بولاتىن ساياسي ناۋقان تەك وڭ وزگەرىستەر مەن جاڭا باستامالارعا سەبەپ بولارىنا سەنىم مول. كونستيتۋتسيالىق رەفورمانى ىسكە اسىرۋ ارقىلى سايلاۋ ناۋقانى دا بارلىق زاڭ تالاپتارىن ساقتاي وتىرىپ جۇرگىزىلەدى دەپ مالىمدەلدى. جالپى سوڭعى ءۇش جىلدا جاسالعان وزگەرىستەر مەن كونستيتۋتسيالىق رەفورما مەملەكەتتىك-ساياسي قۇرىلىمنىڭ جاڭا ۇلگىسىن قالىپتاستىرىپ كەلەدى.
مەملەكەت باسشىسى سايلاۋ ناۋقانى قاتاڭ تۇردە زاڭعا سايكەس وتەتىنىنە كەپىلدىك بەرەتىنىن ايتتى. ونى وتاندىق جانە شەتەلدىك بايقاۋشىلاردىڭ قاتىسۋىمەن ءادىل ءارى اشىق وتكىزەتىنىن جەتكىزدى. سونىمەن قاتار ول بيىل وزگەرىستەر جىلى بولعانىن, كەيىنگى ءۇش جىلدا جاسالعان وزگەرىستەر مەن كونستيتۋتسيالىق رەفورما مەملەكەتتىك-ساياسي قۇرىلىمنىڭ جاڭا ۇلگىسى قالىپتاسقانىن ايتتى. سوندىقتان ەلىمىزدە باستالعان ساياسي جانە ەكونوميكالىق رەفورمالاردى سوڭىنا دەيىن جەتكىزۋ كەرەك. ەلگە ەكونوميكالىق جانە الەۋمەتتىك ماسەلەلەردى شەشە الاتىن مىقتى ساياسي جۇيە قاجەت. سول ءۇشىن ساياسي ينستيتۋتتاردى جاڭارتۋ كۇشىن الەۋمەتتىك-ەكونوميكالىق سالانى نىعايتۋعا شوعىرلاندىرۋعا مۇمكىندىك بەرىلەدى. بۇل سايلاۋ ەلدىڭ بۇكىل ساياسي جۇيەسىن تۇبەگەيلى وزگەرتىپ, سول ارقىلى ەكونوميكانى تۇراقتى دامىتۋدى, حالىقتىڭ تۇرمىس ساپاسىن جاقسارتۋدى كوزدەيتىن ۇزاقمەرزىمدى مىندەتتەردى جۇزەگە اسىرۋعا مۇمكىندىك تۋادى.
ابزال ورىنباساروۆ, استانا قالاسى №7 قالالىق ەمحانا
ديرەكتورىنىڭ ورىنباسارى
