استانا قالاسىنىڭ اكىمى التاي كولگىنوۆ اعا ۇرپاقتى قارتتار كۇنىمەن قۇتتىقتاپ, «شاراپات» الەۋمەتتىك قىزمەت كورسەتۋ ورتالىعىنا ارنايى باردى.
بۇگىندە ەلوردادا 100 مىڭنان اسا زەينەتكەر قوعامدىق جۇمىستارعا بەلسەندى ارالاسىپ, ءوز تاجىريبەلەرىمەن الماسىپ, ۇلگى-ونەگە كورسەتىپ كەلەدى.
– ءار اعا-بۋىنىمىزعا قالانىڭ دامۋىنا ءوز ۇلەسىن قوسقانى ءۇشىن بىلدىرەر العىسىم شەكسىز. ولار ءتۇرلى سالادا ەڭبەك ەتىپ, بىرنەشە ۇرپاق تاربيەلەپ, جاستارعا جول سىلتەدى.
مەملەكەت ازاماتتارعا ءتۇرلى جاعداي جاساۋدا: زەينەتاقى مەن ءتۇرلى تولەمدەردىڭ مولشەرى كوتەرىلىپ, قارتتاردى قولداۋ بويىنشا شارالار قابىلدانۋدا جانە ت. ب. «شاراپات» الەۋمەتتىك قىزمەت كورسەتۋ ورتالىعى زەينەتكەرلەرگە تولىق قىزمەت كورسەتەدى. ءوز تاراپىمىزدان قالانىڭ الەۋمەتتىك ورتالىقتارىن الداعى ۋاقىتتا دا قاجەتىنشە قولدايمىز, – دەپ قۇتتىقتاعان اكىم گۇل شوقتارىن ۇسىنىپ, ءىلتيپات كورسەتتى.
اتاپ ايتاتىنى, حالىقارالىق قارتتار كۇنى 1990 جىلى 14 جەلتوقساندا بۇۇ باس اسسامبلەياسىندا بەكىتىلىپ, جاريالاندى. بۇل مەرەكە ەلىمىزدە جىل سايىن اتالىپ وتەدى. جانە ونىڭ اياسىندا قارتتارعا قۇرمەت كورسەتىلىپ, ءتۇرلى فورماتتاعى ءىس-شارالار ۇيىمداستىرىلادى.
