ۇلتتىق ليگا – مەكتەپتە
وقۋ-اعارتۋ ءمينيسترى اسحات ايماعامبەتوۆ ەلوردالىق №37 مەكتەپ-ليتسەيىندە وتكەن ۇلتتىق مەكتەپ ليگاسىنىڭ سالتاناتتى اشىلۋ راسىمىنە قاتىستى.
مينيستر بىلتىر وقۋشىلار اراسىنداعى دۇنيەجۇزىلىك گيمنازياداعا قازاقستاندىق وقۋشىلار العاش رەت قاتىسىپ, كوماندالىق ەسەپتە ءۇشىنشى ورىن العانىن اتاپ ءوتتى.
– دۇنيەجۇزىلىك گيمنازياداعا 64 مەملەكەت قاتىستى. ارينە, ۇزدىك ناتيجەلەرگە قول جەتكىزەمىز دەپ ۇمىتتەندىك. دەسە دە بالالارىمىزدىڭ ناتيجەسى ءبىز كۇتكەننەن دە اسىپ ءتۇستى. كوماندامىز جەڭىسكە جەتىپ, گيمنازيادادا قۇرمەتتى ءۇشىنشى ورىندى يەلەندى. بۇل – بالالارىمىزدىڭ وتە ۇلكەن جەتىستىگى. الداعى جىلدارى دا وسى ءىس-شارالارعا قاتىسامىز, – دەدى مينيستر اسحات ايماعامبەتوۆ.
سونداي-اق ۆەدومستۆو باسشىسى 2022-2023 وقۋ جىلىندا ۇلتتىق مەكتەپ ليگاسىنا بىرقاتار جاڭالىق ەنگىزىلگەنىنە توقتالدى. بيىلدان باستاپ شاحماتتان جارىستار العاش رەت ەنگىزىلىپ وتىر.