ەلوردادا اۋىل شارۋاشىلىعى تاۋارىن وندىرۋشىلەردىڭ وڭىرلىك جارمەڭكەسى جالعاسۋدا. وتكەن دەمالىستا پاۆلودار وبلىسىنىڭ ديقاندارى ءوز ونىمدەرىمەن استانالىقتاردى ريزا ەتتى.
بۇل جولى پاۆلودار, اقسۋ, ەكىباستۇز قالالارى مەن 10 اۋدان, 100 اۋىل شارۋاشىلىعى ونىمدەرىن ۇسىندى. 520 تونناداي اۋىلشارۋاشىلىق ونىمدەرىنىڭ باسىم بولىگى جەرگىلىكتى شارۋالاردىڭ وندىرەتىن ەت, ءسۇت, كوكونىس ونىمدەرى ەكەن.
ادەتتەگىدەي, جارمەڭكەگە قالانىڭ جۇزدەگەن تۇرعىندارى مەن قوناقتارى كەلىپ ساۋدا جاسادى. ساپالى تابيعي ونىمدەردىڭ باعاسى نارىقتىق باعادان تومەن بولعانى دا استانالىقتار ءۇشىن ءتيىمدى بولىپ وتىر. قىسقا دايىندىقتى ەرتە باستاپ, ازىق-تۇلىك قورىن تولىقتىرۋعا ەل وڭىرلەرىنەن كەلەتىن ازىق-تۇلىك ونىمدەرىنىڭ جارمەڭكەسى جاردەمىن تيگىزدى دەۋگە بولادى. وڭىرلەر دە وزىندىك تاۋارلارىن تارتۋ ەتىپ, برەندىن قالىپتاستىرۋدا جارمەڭكە – تاپتىرمايتىن تاماشا مۇمكىندىك.
