استاناداعى №44 ورتا مەكتەپكە حالىق قاھارمانى راقىمجان قوشقارباەۆتىڭ ەسىمى بەرىلدى, دەپ حابارلايدى astana-akshamy.kz
مۇنداعى ماقسات – كەلەشەك ۇرپاققا ۇلگى ەتەر تۇلعالاردىڭ ءومىرى مەن تاريحىن, ەرلىك-ەڭبەكتەرىن كەڭىنەن ناسيحاتتاۋ.
مەكتەپتە راقىمجان قوشقارباەۆ اتىنداعى العاشقى اسكەري پاتريوتتىق كابينەت تە اشىلدى. مۇندا باتىردىڭ ءومىر تاريحى جانە ماراپاتتارىمەن تانىسۋعا بولادى. سونداي-اق كەلۋشىلەر نازارىنا باتىردىڭ فوتوسۋرەتتەرى قويىلعان.
باتىر ەسىمىن يەمدەنگەن وقۋ ورداسىندا بۇگىندە 1000-نان استام وقۋشى ءبىلىم الادى.
«بۇل – مەكتەپ ءۇشىن ۇلكەن مەرەكە. ءبىلىم ورداسىنا باتىردىڭ ەسىمى بەرىلگەنىن ماقتان تۇتامىز. كەلەشەكتە ءبىزدىڭ وقۋشىلارىمىز راقىمجان قوشقارباەۆتىڭ ەرلىكتەرىن جالعاستىراتىنىنا كامىل سەنەمىز. مەكتەبىمىزدىڭ بۇگىنگى ميسسياسى – ۇلتتىق قۇندىلىقتار نەگىزىندە وقۋشىلارعا پاتريوتتىق تاربيە بەرۋ», – دەدى مەكتەپ ديرەكتورى ءلاززات قۇلتاەۆا.
«باتىردىڭ ەرلىگى – ەل ەسىندە…» اتتى مەرەكەلىك باعدارلاماسى اياسىندا باستاۋ العان ءىس-شارادا راقىمجان قوشقارباەۆقا ارنالعان مەموريالدىق تاقتانىڭ اشىلۋ سالتاناتى ءوتتى.
ءىس-شاراعا قورعانىس مينيسترلىگى مەن قالالىق ءبىلىم باسقارماسىنىڭ وكىلدەرى, سونداي-اق پەداگوگتەر مەن وقۋشىلار قاتىستى.
