دوستىق ۇيىندە جەڭىس كۇنى مەرەكەسىنە وراي «اتالاردىڭ ەرلىگى – جاستارعا ۇلگى» اتتى دوڭگەلەك ۇستەل ءوتتى, دەپ حابارلايدى astana-akshamy.kz
ءىس-شاراعا ەلوردالىق قaزاقستان حالقى اسسامبلەياسىنىڭ, اقساقالدار كەڭەسىنىڭ مۇشەلەرى, عالىمدار, قوعام قايراتكەرلەرى, جاستار, اسكەري بولىمدەردىڭ قىزمەتشىلەرى جانە باسقا دا قوناقتار قاتىستى.
ۇيىمداستىرۋشىلاردىڭ ايتۋىنشا, باسقوسۋدىڭ نەگىزگى ماقساتى – ۇلى وتان سوعىسىنداعى جەڭىستىڭ تاريحي ماڭىزىن ءتۇسىندىرۋ, اتا-بابالارىمىزدىڭ ەرلىگىن ۇلىقتاۋ مەن ناسيحاتتاۋ ارقىلى وسكەلەڭ ۇرپاقتىڭ بويىندا قازاقستاندىق پاتريوتيزم مەن ۇلتتىق سانا-سەزىمدى قالىپتاستىرۋ.
ءىس-شارانىڭ مودەراتورى استانا قالاسى ىشكى ساياسات باسقارماسى باسشىسىنىڭ ورىنباسارى ءلاززات قۇساينوۆا مەملەكەت باسشىسى قاسىم-جومارت توقاەۆتىڭ قازاقستان حالقى اسسامبلەياسىنىڭ ءحححىى سەسسياسىندا سويلەگەن سوزىنەن مىسال كەلتىردى.
پرەزيدەنت اتالعان سەسسيادا:
«ءبىز – ءبىر ەلدىڭ پەرزەنتى, ءبىر حالىقتىڭ ۇل-قىزىمىز! ۇلى دالانىڭ ۇلان-عايىر جەرىندە بارىمىزگە ورىن جەتەدى. وسى كيەلى مەكەندە ءبارىمىزدىڭ دە كوزدىڭ قاراشىعىنداي ساقتايتىن جانە سول ءۇشىن ەڭبەك ەتىپ, ءومىر سۇرەتىن قاستەرلى دۇنيەلەرىمىز بار» دەگەن بولاتىن.
مودەراتور ءىس-شاراعا اتالعان تاريحي ماڭىزى بار كۇندەرگە قانداي دا قاتىسى بار نەمەسە سالاسى بويىنشا كۇندەلىكتى بايلانىستا قىزمەت ەتەتىندەردىڭ شاقىرىلعانىن ايتتى.
“بۇگىندە قازاقستان حالقى اسسامبلەياسىنىڭ مۇشەلەرى ەلىمىزدىڭ قوعامدىق-ساياسي ومىرىنە بەلسەندى اتسالىساتىنىن ماقتانىشپەن ايتا الامىز. ولاردىڭ ادال ەڭبەگىنىڭ ارقاسىندا ەلوردادا دا, ەلدە دە ۇلتارالىق كەلىسىم مەن تولەرانتتىلىق ساقتالۋدا. ءبىز ءوزىمىزدىڭ يگى ىستەرىمىزبەن قازاقستاندىقتاردىڭ قيىن-قىستاۋ كەزەڭدە جۇمىلىپ, ۇلتى مەن كاسىبىنە قاراماستان ءبىرتۇتاس ارەكەت ەتە الاتىنىن كورسەتەمىز. بۇگىنگى شارا الداعى ەكى مەرەكە – وتان قورعاۋشىلار كۇنى مەن جەڭىس كۇنىنە ارنالادى”, – دەدى ءلاززات قۇساينوۆا.
جيىندا العاشقى بولىپ ءسوز العان قازاقستاننىڭ ورىس, سلاۆيان, كازاك ۇيىمدارىنىڭ قاۋىمداستىعى توراعاسى, قازاقستان حالقى اسسامبلەياسىنىڭ مۇشەسى ۆلاديمير بوجكو:
“ۇلى وتان سوعىسىنداعى قازاقستاندىقتاردىڭ ەرلىكتەرى ەشقاشان ۇمىتىلمايدى. قازاقستاننان رەزەرۆكە 1 ميلليون 200 مىڭ ادام جۇمىلدىرىلسا, ەڭبەك ارمياسى ءۇشىن 700 مىڭنان استام جىبەرىلدى. ەلىمىزدە اسكەرگە شاقىرىلعانداردىڭ ىشىندە 12 اتقىشتار, 4 اتتى اسكەر, 7 اتقىشتار بريگاداسى, 50 اسكەري باتالون مەن پولك قۇرىلدى. 497 قازاقستاندىق كەڭەس وداعىنىڭ باتىرى اتاندى. ونىڭ ىشىندە بيگەلدينوۆ, پاۆلوۆ جانە لۋگانسكي ەكى مارتە باتىر اتاندى. ەلىمىزدە ورنالاسقان 27 مەكتەپ مايدانعا 16 مىڭ وفيتسەر دايىندادى. 600 000 مىڭ قازاقستاندىق سوعىستا باتىرلىقپەن كوز جۇمدى”, – دەدى.
سونىمەن قاتار ۆلاديمير بوجكو تىلداعى ەرلەردىڭ ەرەن ىستەرىن دە اتاپ ءوتتى.
سونداي-اق ءىس-شارا اياسىندا استانا قالاسى مەملەكەتتىك مۇراعاتىنىڭ ۇيىمداستىرۋىمەن «ەرلىككە تاعزىم» اتتى مۇراعاتتىق قۇجاتتاردىڭ كورمەسى ءوتتى.
«ەكىنشى دۇنيەجۇزىلىك سوعىستاعى قازاقستاندىقتاردىڭ ەرلىگى ارحيۆ قۇجاتتارىندا» كىتابى دا كورمەگە قويىلىپ, دوڭگەلەك ۇستەلگە قاتىسقان قوناقتاردىڭ نازارىنا ۇسىنىلدى. بۇل ارحيۆ قۇجاتتارىنا نەگىزدەلە وتىرىپ جازىلعان كىتاپ.سوعىسقا قاتىسقان ازاماتتاردىڭ ارحيۆتەرى بىزدە جەكە قور رەتىندە جينالعان. وسى قورلاردى توپتاستىرىپ ورىس جانە قازاق تىلىندە كىتاپ ەتىپ شىعاردىق. بۇگىنگى باس قوسۋعا ارقاۋ بولعان داڭقتى باتىرلار ساعادات نۇرماعامبەتوۆ, راحىمجان قوشقاربەۆتار باتىر اتاعىن العاندا 20-دان ەندى اسقان جاستار ەدى. ولار ءتىپتى سوعىسقا بارۋعا جاسى دا تولماي, «19 جاستامىن» دەپ ءوزى سۇرانىپ اسكەرگە اتتانعان. وسىنىڭ ءبارى بۇگىنگى جينالىسقا قاتىسقان جاستارعا ۇلكەن تاربيە دەپ ويلايمىن”, – دەدى استانا قالاسى مەملەكەتتىك ارحيۆ ديرەكتورى جانگەلدى بيمولدين.
ايتا كەتەيىك, ءىس-شارادا بارلىق قاتىسۋشىلار تاريحي كۇنگە دەگەن قۇرمەت رەتىندە وڭىرلەرىنە جەڭىس كۇنىنە ارنالعان بەلگىشەسىن تاعىپ وتىردى.
