«110» تىڭداپ تۇر!
قازاقستاندا تەرروريستىك قاۋىپ-قاتەرگە بايلانىستى حابارلامالار قابىلدايتىن بىرىڭعاي ءنومىر بەلگىلەندى.
ەگەر جوسپارلانىپ جاتقان تەرروريستىك اكتىلەرى تۋرالى بىلسەڭىز نەمەسە راديكالدى توپتاردىڭ ادامداردى وزىنە تارتۋ, كوندىرۋ ارەكەتتەرىنە تاپ بولساڭىز نە بولماسا ونىڭ كۋاگەرى بولساڭىز, تەرروريزم مەن ءدىني ەكسترەميزمدى ناسيحاتتايتىن ادەبيەتتى تاراتۋ تۋرالى بىلسەڭىز, «110» نومىرىنە حابارلاسىڭىزدار. وسى نومىرگە ەلىمىزدىڭ كەز كەلگەن ايماعىنان كەلىپ ءتۇسكەن قوڭىراۋ اۋماقتىق بەلگىسى بويىنشا ۇقك دەپارتامەنتتەرىنىڭ كەزەكشىلىك قىزمەتتەرىنە جولدانادى.
ەسكە سالايىق, قاۋىپسىزدىك كەڭەسىنىڭ 2016 جىلعى 10 ماۋسىمداعى حاتتامالىق تاپسىرماسىمەن وبلىستاردىڭ, استانا مەن الماتى قالالارىنىڭ اكىمدەرىنە ءىىم, ۇقك, سونداي-اق اقپارات جانە كوممۋنيكاتسيا مينيسترلىگىمەن جەرگىلىكتى جەرلەردە تەرروريزمگە قارسى «قاۋىرت» جەلىلەر اشۋ بويىنشا شارالار قابىلداۋ تاپسىرىلدى.
قازىرگى كەزدە ۇقك كەلىسىمگە قول جەتكىزگەن اۋداندىق, قالالىق تەلەفونداردان جانە «Beeline» ءموبيلدى وپەراتورىنىڭ نومىرلەرىنەن تەگىن قوڭىراۋ شالۋعا بولادى. باسقا دا بايلانىس وپەراتورلارىمەن كەلىسسوزدەر جۇرگىزىلۋدە.