سونداي-اق, جانكۇيەرلەردى دەر كەزىندە دىتتەگەن جەرىنە جەتكىزۋ ءۇشىن قالامىزدىڭ بەس تۇسىنان ارناۋلى اۆتوبۋستار قاتىنايدى.
27 شىلدەدە چەمپيوندار ليگاسىنىڭ ءۇشىنشى ىرىكتەۋ تۋرىنىڭ شەڭبەرىندە «استانا» كومانداسى «استانا ارەنا» ستاديونىندا شوتلانديالىق «سەلتيك» كومانداسىن قابىلدايدى. وسىعان بايلانىستى ستاديونعا بارار جولداردا كولىك قوزعالىسى شەكتەلەدى.
سارسەنبى كۇنى ساعات 18:00-دەن باستاپ قابانباي باتىر جانە تۇران داڭعىلدارىنىڭ كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىنگى بولىكتەرىندە ۋاقىتشا جول جابىلادى. ماتچ اياقتالعانشا وسى جولدارمەن جۇرەتىن كولىكتەرگە ورىنبور كوشەسىمەن اينالىپ وتكەن ءجون.
استانا قالاسىنىڭ ءىىد جەرگىلىكتى پوليتسيا قىزمەتى ءدال وسى ۋاقىت ارالىعىندا كوپشىلىكتىڭ قاۋىپسىزدىگى ءۇشىن جۇرگىزۋشىلەردەن جەكە كولىكتەرىمەن جۇرمەۋىن سۇرايدى. اۋەجاي اۋماعىنا قاراي باعىت الۋشىلار جولىن الدىن الا ويلاستىرىپ العانى دۇرىس.
سونداي-اق, جانكۇيەرلەردى دەر كەزىندە دىتتەگەن جەرىنە جەتكىزۋ ءۇشىن قالامىزدىڭ بەس تۇسىنان ارناۋلى اۆتوبۋستار قاتىنايدى. اۆتوبۋستار «قازاقستان» سپورت كەشەنىنىڭ (قاجىمۇقان كوشەسى), «ازىرەت سۇلتان» (قوشقارباەۆ كوشەسى) مەن «نۇر استانا» مەشىتتەرىنىڭ (شىعىس جاعىنداعى اۆتوتۇراق) جانە استانالىق تسيرك (قورعالجىن تاس جولى) پەن ق.مۇڭايتپاسوۆ (كەڭەسارى كوشەسى) اتىنداعى ستاديوننىڭ ماڭايىنا جينالادى.
