استانا قالاسىنىڭ اكىمدىگى ەلورداداعى ازىق-تۇلىك تۇرلەرىنىڭ باعاسىنا كۇندەلىكتى مونيتورينگ جۇرگىزەدى. وسىلايشا, قالا بيلىگى باعانىڭ نەگىزسىز وسۋىنە توسقاۋىل قويماقشى.
ۇكىمەت قاۋلىسىمەن ەلىمىزدە 18 تاعامنىڭ ءتۇرى الەۋمەتتىك ماڭىزى بار دەپ تانىلعان. ولاردىڭ قاتارىنا ەت, جۇمىرتقا, ءداندى-داقىلدار, كوكونىس, قانت, كۇنباعىس مايى, قارا ءشاي, تۇز جانە ءسۇت ونىمدەرى جاتادى.
الەۋمەتتىك ماڭىزى بار ازىق-تۇلىكتىڭ سان الۋان تۇرىنە بايلانىستى, قالا اكىمدىگى 33 تاعام تۇرىنە باقىلاۋ جۇرگىزەدى. باعالار استانا قالاسىنىڭ ءىرى جانە حالىق كوپ باراتىن ساۋدا ورىندارىنان الىنادى.
ارينە, قالاداعى بارلىق دۇكەندەرگە, مىڭداعان سورەلەرگە باقىلاۋ جاساۋعا اكىمدىكتىڭ مۇمكىندىگى جوق. سوندىقتان استانا قالاسى اۋىل شارۋاشىلىعى باسقارماسىنىڭ باسشىسى اسەت قۇرمانعاليەۆ قالا تۇرعىندارىنان باعانىڭ نەگىزسىز وسۋىنە جول بەرگەن دەرەكتەردى بايقاعان جاعدايدا 109 نومىرىنە حابارلاسۋدى سۇرايدى.
اسەت قۇرمانعاليەۆتىڭ ايتۋىنشا, بۇگىندە ازىق-تۇلىك باعالارىنىڭ نەگىزسىز وسۋىنە جول بەرمەۋ ءۇشىن «ساپا نان» جشس, «استىق لوگيستيك» جشس جانە ءىرى قانت جەتكىزۋشى «مير كرۋپ» كاسىپورىندارىمەن مەموراندۋم جاسالعان.
ەستەرىڭىزدە بولسا, ءدال وسى ماسەلەگە بايلانىستى جۇمىستى جەدەل ۇيىمداستىرۋمەن شۇعىلداناتىن شتاب قۇرىلىپ, وعان جەتكەشىلىك جاساۋ قالا اكىمىنىڭ ورىنباسارى اندرەي لۋكينگە جۇكتەلگەنىن مالىمدەگەن بولاتىنبىز.
جۇمىس توبىنىڭ قۇرامىنا قارجى, اۋىلشارۋاشىلىعى باسقارماسى, ەكونوميكا جانە بيۋدجەتتى جوسپارلاۋ باسقاراماسىنىڭ وكىلدەرى جانە ءۇش اۋدان اكىمدىگى كىرەدى.
وتكەن اپتادا اتالمىش شتابتىڭ توراعاسى ا. لۋكين قالاداعى باعانىڭ ءوسۋ سەبەپتەرىن تۇسىندىرگەن بولاتىن. ونىڭ ايتۋىنشا, ناننىڭ قىمباتتاۋىنا شيكىزات باعاسىنىڭ ءوسۋى سەبەپ بولىپ وتىر.
كوتەرمە ۇننىڭ باعاسىنىڭ وسۋىنە وتكەن جىلعى داقىلدارعا بولىنەتىن سۋبسيديانىڭ توقتاتىلۋى اسەر ەتكەن. كۇنباعىس مايىنىڭ قىمباتتاۋىنا دا شيكىزات باعاسى كەرى اسەرىن تيگىزگەن. تاۋىق جۇمىرتقاسى مەن قۇس ەتتەرى جەم مەن دارىلىك اينالىمداردىڭ باعاسىنا بايلانىستى قىمباتتاعان.
باعانىڭ ءوسۋى تۋرالى بارلىق دەرەكتەردىڭ سەبەبىن انىقتاۋدى تەكسەرۋ ءۇشىن اۋىلشارۋاشىلىعى باسقارماسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ قالالىق دەپارتامەنتىنە حات جولدايدى. ءوز كەزەگىندە مونوپوليستەرگە قارسى قولدانىستاعى زاڭ شەڭبەرىندە تەكسەرۋ جۇرگىزىلىپ, ونىڭ قورىتىندىسىن بىردەن جاريالاۋعا ۋادە بەرىلدى.
استانا قالاسى اۋىلشارۋاشىلىعى باسقارماسىنىڭ قالاداعى ازىق-تۇلىك باعاسىنا جۇرگىزگەن كۇندەلىكتى مونيتورينگى
| № | الەۋمەتتىك ماڭىزى بار تاۋار تۇرلەرى | 01.01.2016 ج.*
كۇنگى باعا |
25.07.2016 ج.
كۇنگى باعا |
ديناميكاداعى %-دىق وزگەرىستەر 25.07 دەن 01.01.2016 ج. |
| 1 | كۇرىش وڭدەلگەن ءتۇرى, كگ | 240 | 305 | 27,1 |
| 2 | ءبىرىنشى سورتتاعى بيداي ۇنى, كگ | 123 | 144 | 17,1 |
| 3 | ۇنتاق جارماسى, كگ | 145 | 200 | 37,9 |
| 4 | قاراقۇمىق جارماسى, كگ | 290 | 360 | 24,1 |
| 5 | سۇلى جارماسى, كگ | 150 | 218 | 45,3 |
| 6 | ارپا جارماسى, كگ | 140 | 140 | 0,0 |
| 7 | تارى, كگ | 250 | 250 | 0,0 |
| 8 | بيداي نانى, ءبىرىنشى سورت, كگ | 109 | 133 | 22,0 |
| 9 | ۆەرميشەل, كگ | 174 | 200 | 14,9 |
| 10 | كەسپە, كگ | 174 | 190 | 9,2 |
| 11 | روجكي, كگ | 175 | 205 | 17,1 |
| 12 | سيىر ەتى (جاۋىرىن-ءتوس بولىگى), كگ | 1200 | 1348 | 12,3 |
| 13 | قوي ەتى, كگ | 1190 | 1400 | 17,6 |
| 14 | تاۋىق ەتى, كگ | 600 | 670 | 11,7 |
| 15 | قۇس ەتى, كگ | 540 | 620 | 14,8 |
| 16 | پاستەرلەنگەن ءسۇت, مايلىلىعى 2,5%, ليتر | 191 | 195 | 2,1 |
| 17 | پاستەرلەنگەن ءسۇت, مايلىلىعى 3,2%, ليتر | 210 | 210 | 0,0 |
| 18 | ايران, مايلىلىعى 2,5%, ليتر | 205 | 225 | 9,8 |
| 19 | ايران, مايلىلىعى 3,2%, ليتر | 215 | 250 | 16,3 |
| 20 | سۇزبە, مايلىلىعى 5-9%, كگ | 1360 | 1400 | 2,9 |
| 21 | ىرىمشىك, قاتتى كگ | 1550 | 1650 | 6,5 |
| 22 | تاۋىق جۇمىرتقاسى I-II كاتەگوريا, وندىق | 240 | 280 | 16,7 |
| 23 | سارى ماي, تۇزدالماعان, مايلىلىعى 72,5% كەم ەمەس جانە وسىمدىك مايى, كگ | 1331 | 1340 | 0,7 |
| 24 | سارى ماي, مايلىلىعى 49%, كگ | 680 | 686 | 0,9 |
| 25 | وسىمدىك-كۇنباعىس مايى, ليتر | 380 | 450 | 18,4 |
| 26 | قىرىققابات, كگ | 80 | 80 | 0,0 |
| 27 | پياز, كگ | 68 | 99 | 45,6 |
| 28 | قىزىلشا, كگ | 90 | 125 | 38,9 |
| 29 | ءسابىز, كگ | 70 | 120 | 71,4 |
| 30 | كارتوپ, كگ | 68 | 120 | 76,5 |
| 31 | قانت-قۇمشەكەر, كگ | 220 | 298 | 35,5 |
| 32 | اس تۇزى («ەكسترا»-دان باسقاسى), كگ | 48 | 51 | 6,3 |
| 33 | تۇيىرشەكتەلگەن قارا شايى, كگ | 1610 | 2242 | 39,3 |
