بۇل تۋرالى استانا قالاسىنىڭ كوممۋنيكاتسيالار قىزمەتىندە قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى گۇلناز دوسمىرزاەۆا, ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىقتىڭ قوعاممەن بايلانىس مامانى جانىبەك ۋسپانوۆ وتكىزگەن بريفينگتە ايتىلدى.
9 قازاندا قازاقستان اعزا دونورلارىنىڭ تاپشىلىعى ماسەلەلەرىن كورسەتۋ جانە ەلىمىزدە اعزا دونورلىعى مەن ترانسپلانتاتسيانى دامىتۋدىڭ ماڭىزدىلىعى تۋرالى قوعامنىڭ حاباردارلىعىن ارتتىرۋ ءۇشىن ەۋروپالىق اعزا دونورى كۇنىنە قوسىلادى.
ەۋروپالىق اعزا دونورلىعى جانە ترانسپلانتاتسيا كۇنى مەديتسينانىڭ وسى سالاسىنا ادامداردىڭ سەنىمىن ارتتىرۋ ءۇشىن 1996 جىلدان بەرى وتكىزىلىپ كەلەدى. ول جىل سايىن ءارتۇرلى ەلدەردە ورگان دونورلىعىنىڭ قاجەتتىلىگى تۋرالى قوعامنىڭ حاباردارلىعىن ارتتىرۋ, سونداي-اق ەرىكتى جانە اقىسىز دونورلىق قاعيداتىن ىلگەرىلەتۋ ماقساتىندا وتكىزىلەدى.
«بۇگىنگى تاڭدا قازاقستاندا دونورلىق ورگاندارعا سۇرانىس ۇسىنىستان ەداۋىر اسىپ تۇسەدى. سوڭعى كورسەتكىش بويىنشا, كۇتۋ پاراعىندا 3 953 ناۋقاس بار, ونىڭ ىشىندە بۇيرەك, باۋىر, وكپە, جۇرەك جانە «جۇرەك-وكپە» كەشەنىنە مۇقتاجدار بار. قازاقستاندا قايتىس بولعاننان كەيىنگى دونورلار بويىنشا ستاتيستيكا جەتكىلىكسىز بولىپ قالۋدا: 2022 جىلى نەبارى 4 ءمايىتتىك دونور 16 ادامنىڭ ءومىرىن ساقتاپ قالدى» دەدى ج.ۋسپانوۆ.
قازاقستانداعى ورگان دونورى كۇنىنىڭ باستى ماقساتى – قوعامنىڭ نازارىن قايتىس بولعاننان كەيىنگى دونورلىقتى دامىتۋ ماسەلەلەرىنە اۋدارۋ جانە دونورلىقتىڭ بارلىق اسپەكتىلەرى تۋرالى حالىقتىڭ حاباردارلىعىن ارتتىرۋ. ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىق, ۇلتتىق عىلىمي ونكولوگيالىق ورتالىقپەن بىرلەسە وتىرىپ, 7 قازاندا, كەرەي, جانىبەك حاندار كوشەسى, 3 مەكەنجايى بويىنشا اشىق ەسىك كۇنىن وتكىزەدى.
ترانسپلانتولوگ دارىگەرلەر 18 جاستان اسقان ناۋقاستارعا ترانسپلانتاتسيا بويىنشا تەگىن كەڭەس بەرەدى, سونداي-اق قايتىس بولعاننان كەيىن ورگانداردىڭ دونورلىعىنا نيەت ءبىلدىرۋ, كۇتۋ پاراعىن قۇرۋ جانە جۇرگىزۋ ماسەلەلەرى بويىنشا, سونداي-اق تۋىستىق اعزا دونورلىعى ماسەلەلەرى بويىنشا كەڭەستەر بەرەدى.
«استانادا ورگان ترانسپلانتاتسياسىنان ءۇمىتتى 536 ناۋقاس كەزەكتە تۇر. بۇل تسيفرلار استانا قالاسى بويىنشا اعزا دونورلىعىن جەدەل تۇردە ناسيحاتتاۋ جانە بۇل ارەكەتتىڭ ماڭىزدىلىعى تۋرالى اقپاراتتاندىرىلعان قوعام قۇرۋ قاجەتتىگىن كورسەتەدى» دەدى گ.دوسمىرزاەۆا.
استانادا رەسپۋبليكالىق ءىس-شارالارمەن قاتار, ماسەلەگە نازار اۋدارۋ ءۇشىن LED-ەكراندار مەن اۆتوبۋس ايالدامالارىندا, اۆتوبۋستاردا ورگان دونورى كۇنىنە ارنالعان پلاكاتتار مەن بەينەروليكتەردى ورنالاستىرۋدى قوسا العاندا, بىرقاتار ءىس-شارالار جۇرگىزىلۋدە. سونداي-اق ۇيىمداستىرۋشىلار اقبۇلاق وزەنىنىڭ جاعاسىنداعى «ءومىر اللەياسىندا» كوشەت وتىرعىزۋ شاراسىن وتكىزدى. ءىس-شاراعا ترانسپلانتاتسيادان كەيىن جانە كۇتۋدەگى ناۋقاستار, ترانسپلانتولوگ دارىگەرلەر, قوعامدىق دەنساۋلىق ساقتاۋ باسقارماسىنىڭ وكىلدەرى, قوعام قايراتكەرلەرى قاتىستى.
استانا قالاسىنىڭ ترانسپلانتاتسيالىق جانە دونورلىق ۇيىمداردا, باسقا دا مەديتسينالىق مەكەمەلەردە, الەۋمەتتىك جەلىلەردە جانە باسقا دا رەسۋرستاردا, اعزا دونورلىعى مەن ترانسپلانتاتسيا بويىنشا ءىس-شارالار وتكىزىلىپ, اقپاراتتىق ماتەريالدار ورنالاستىردى. ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىق سايتىندا اعزا دونورى كۇنى تاقىرىبىندا پلاكاتتار, بەينەروليكتەر, اقپاراتتىق ماتەريالدار ورنالاستىرىلادى.
ورگاندار دونورى كۇنى قازاقستاننىڭ ءاربىر تۇرعىنىن يگى ءىس جاساۋ مۇمكىندىگى تۋرالى ويلانۋعا جانە وسى ماڭىزدى ءومىردى قۇتقارۋ قوزعالىسىنىڭ ءبىر بولىگى بولۋعا شاقىرادى.
