جۋىردا ءوزىم ۇستازدىق ەتەتىن №38 مەكتەپ-ليتسەيدە حاكىم ابايدىڭ 175 جىلدىق مەرەيتويىنا وراي قازاقستان جازۋشىلار وداعىنىڭ مۇشەسى, اقىن, «ابايتانۋ» عىلىمي-تانىمدىق ورتالىعىنىڭ ديرەكتورى, ابايتانۋشى الماحان مۇحامەتقاليقىزىمەن كەزدەسۋ كەشىن وتكىزدىك.
بويىنان جىر قۇيىلىپ تۇرعان اقىن اپايىمىزدىڭ «جانسايا», «تىلسىم سىرى», «جىر-عۇمىر» اتتى جىر جيناقتارى, سونىمەن بىرگە «شاكارىم», «قان مەن تەك», «قۇرساقسىز انا» پوەمالارى ەل اراسىندا كەڭ تارالعان. ول شىعارماشىلىقپەن قاتار قوعامدىق جۇمىستارعا دا بەلسەنە اتسالىسادى. ەلوردامىزدىڭ قاق تورىنەن «ابايتانۋ» عىلىمي-تانىمدىق ورتالىعىن ۇيىمداستىرىپ, استانا تۇرعىندارى مەن قالا قوناقتارىن ۇلى اقىننىڭ رۋحاني مول مۇراسىمەن سۋسىنداتۋداعى ەرەن ەڭبەگىن حالقىمىز ماقتان تۇتادى.
كەش بارىسىندا شاكىرتتەر حاكىم ابايدىڭ «ولەڭ – ءسوزدىڭ پاتشاسى, ءسوز ساراسى», «ويعا ءتۇستىم, وي سالدىم», «قالىڭ ەلىم, قازاعىم, قايران جۇرتىم» ولەڭدەرى مەن «وتىز ءبىرىنشى قارا ءسوزىن» مانەرلەپ جاتقا وقىدى. ال مەكتەبىمىزدىڭ ينفورماتيكا ءپانى مۇعالىمى قادىرعازى مۇقانوۆ ابايدىڭ «سەگىز اياق» ءانىن شىرقاپ, كورەرمەندەردىڭ ريزاشىلىعىنا بولەندى.
ءوز سوزىندە الماحان مۇحامەتقاليقىزى بيىلعى جاستار جىلى اياسىندا شىعارماشىلىق ونەرگە بەيىمى بار تالانتتى وقۋشىلاردىڭ باسىن قوسىپ, اقىندىق ونەرگە باۋلۋ نيەتى بار ەكەنىن جەتكىزدى. كەش سوڭىندا وقۋشىلار مەن مۇعالىمدەرگە ءوزىنىڭ «بوتەن ءبىر وي ايتقىم كەلەدى» اتتى ولەڭدەر جيناعىن سىيعا تارتتى.
ماۋلەتقالي راحىمباەۆ,
№38 مەكتەپ-ليتسەيدىڭ
قازاق ءتىلى مەن ادەبيەتى
ءپانى مۇعالىمى,
قر ءبىلىم بەرۋ ءىسىنىڭ ۇزدىگى
