الەۋمەتتىك باعدارى باسىم
![](https://astana-akshamy.kz/wp-content/uploads/2022/10/abden-604x470.jpg)
پرەزيدەنتتىككە كانديدات قاراقات ابدەن پاۆلودار وبلىسىنا ات باسىن بۇردى. ۇمىتكەر ەكىباستۇز قالالىق اۋرۋحاناسى جانىنداعى پەرزەنتحانادا جاس انالارمەن جانە مەديتسينا قىزمەتكەرلەرىمەن كەزدەستى.
قاراقات ابدەن ءوزىنىڭ سايلاۋالدى باعدارلاماسىنىڭ نەگىزگى باعىتتارىمەن تانىستىرىپ, اق حالاتتى ابزال جانداردىڭ ۇسىنىس-پىكىرلەرىن تىڭدادى. «سايلاۋالدى باعدارلامامنىڭ الەۋمەتتىك باعدارى باسىم بولعاندىقتان, وندا دەنساۋلىق ساقتاۋ سالاسىنا ەرەكشە كوڭىل بولىنگەن. اسىرەسە انا مەن ءسابي ءولىمىنىڭ الدىن الۋ, سيرەك, ياعني ورفاندىق اۋرۋلارى بار بالالارعا كومەك كورسەتۋ, دەنساۋلىق ساقتاۋ سالاسىن دامىتۋ باستى نازاردا بولماق» دەدى ول.
سايلاۋشىلار قاراقات ابدەننىڭ ۇسىنعان باعدارلاماسى انا مەن بالا دەنساۋلىعىن جاقسارتۋعا, دارىگەرلەردىڭ الەۋمەتتىك قورعالۋىن ارتتىرۋعا زور ۇلەس قوساتىنىنا سەنىم ءبىلدىردى. جيىننان كەيىن قاراقات ابدەن پەرزەنتحانانىڭ باس دارىگەرىمەن بىرگە جاس انالار مەن سابيلەردىڭ جاعدايىن ءبىلۋ ءۇشىن پەرزەنتحانا پالاتالارىن ارالادى. ۇمىتكەردىڭ ەكىباستۇزداعى سەنىمدى وكىلى انار ايدارحانوۆا مالىمدەگەندەي, قالادا ق.ابدەننىڭ سايلاۋالدى شتابى تۇرعىنداردى اقپاراتتاندىرۋ بويىنشا جۇمىس جۇرگىزۋدە.
وسى كۇنى ق.ابدەن پاۆلودار قالاسىنداعى مۋزىكا كوللەدجىنىڭ وقىتۋشىلارى جانە ستۋدەنتتەرىمەن كەزدەسۋ وتكىزدى.