– بيىلعى 20 قاراشاداعى پرەزيدەنتتىك سايلاۋ قورىتىندىسى بىزدەگى ۇلكەن ساياسي ناۋقاننىڭ ماڭىزدى كەزەڭى زاڭعا سايكەس ءساتتى ءوتتى دەپ ايتۋعا نەگىز بولدى. بۇل سايلاۋداعى قاسىم-جومارت كەمەلۇلى توقاەۆتىڭ ءسوزسىز جەڭىسى قازاقستان قوعامىنىڭ الداعى ۋاقىتتا ءبىر ارنادا بىرىگۋى تۇرعىسىندا زور مانگە يە.
وسى جىلى ماۋسىم ايىندا وتكەن رەفەرەندۋمدا ەل ازاماتتارىنىڭ 77%-دان استامى پرەزيدەنتتىڭ كونستيتۋتسيالىق رەفورمالارىن قولداعان بولاتىن. ال ەندى قاراشاداعى سايلاۋدا داۋىس بەرۋشىلەردىڭ 80%-دان كوبىنىڭ ونى جاقتاۋى – مەملەكەت باسشىسىنىڭ باستامالارى حالىق تاراپىنان ەرەكشە قولداۋعا يە بولعانىنىڭ شىنايى كورىنىسى. وسىلايشا سايلاۋشىلار جوعارى بيلىكتىڭ جۇزەگە اسىرىپ جاتقان جانە جوسپارلاپ وتىرعان رەفورمالارىنا سەنەتىنىن كورسەتتى.
بۇگىندە ەلىمىزدە قوعام مەن بيلىك قازاقستاننىڭ تاياۋ بولاشاقتا قالاي داميتىنى جونىنەن ءبىر جاقتى جاڭا, بىرىڭعاي, ءادىل قوعامدىق كەلىسىمگە كەلدى دەپ باتىل سەنىممەن ايتۋعا بولادى. ەندى الدا دەموكراتيا دامۋىنىڭ تاعى ءبىر ماڭىزدى كەزەڭى – پارلامەنتتىك جانە ءماسليحات سايلاۋى تۇر. بۇل مىندەتتى دە ابىرويمەن اتقاراتىنىمىزعا سەنەمىن.
قازىر الەمدەگى داعدارىسقا بايلانىستى ءارى-بەرى جۇرەتىن ۋاقىت جوق, وڭ مەن سولىمىزدى جيناقتاپ, سوزدەن ىسكە كىرىسىپ, ءبىر ارناعا جۇمىلاتىن ۋاقىت كەلدى. پرەزيدەنتىمىز جىل بويى, ياعني 16 ناۋرىزداعى ۇندەۋىندە, 1 قىركۇيەكتەگى جولداۋىندا دا ەل دامۋىنىڭ نەگىزگى باعىتتارىن ايقىندايتىن مىندەتتەردى كورسەتىپ بەردى. ەندى سولاردى ورىنداۋعا مۇمكىندىك بەرەتىن ۋاقىت كەلدى دەپ ويلايمىن. سوندىقتان قازاقستان حالقى ءبىراۋىزدان بىرىگىپ, ەلىمىزدىڭ جارقىن بولاشاعى ءۇشىن سول مىندەتتەردى ىسكە اسىرۋعا ءبىر ادامداي جۇمىلۋىمىز كەرەك.
نازگۇل ماقجان, استانا قالاسى بويىنشا ايەلدەر كۇشتەرى
اليانسىنىڭ ءتورايىمى
