– حالىقارالىق بايقاۋشى رەتىندە مەن قازاقستاندا وتكەن پرەزيدەنت سايلاۋىنا قاتىستىم. بۇل رەتتە ءبىز الدىمەن, استاناداعى 11 سايلاۋ ۋچاسكەسىنە باردىق. وندا ەشبىر زاڭ بۇزۋشىلىق نە ءتارتىپ بۇزۋشىلىق تىركەلمەدى. سايلاۋشىلار ءوز تاڭداۋلارىن اشىق تۇردە جاسادى. مۇندا ولاردىڭ ەش كەدەرگىسىز داۋىس بەرۋىنە بارلىق جاعداي جاسالىپتى. كوميسسيا مۇشەلەرى سايلاۋعا كەلۋشىلەرمەن وتە سىپايى سويلەستى.
ودان كەيىن ءبىز باس قالاداعى ۇلتتىق مۋزەيدە, مەكتەپتەردە جانە باسقا دا ورىنداردا بولدىق. بارلىق جەردە سايلاۋ كوميسسيالارى مۇشەلەرىنىڭ كاسىبيلىگى سەزىلدى.
سايلاۋ كەزىندە استانالىقتاردىڭ كوتەرىڭكى كوڭىل-كۇيىنە كۋا بولدىم. بۇل رەتتە قالا تۇرعىندارىنىڭ سايلاۋداعى بەلسەندىلىگى مەن ەلوردالىق سايلاۋ كوميسسيالارىنىڭ ۇيلەسىمدى جۇمىسىن اتاپ وتكىم كەلەدى.
قازاقستاندا وتكەن پرەزيدەنت سايلاۋىنا ريزا بولعانىمدى مويىندايمىن. سايلاۋ كەزىندە دەموكراتيالىق تاڭداۋ تالاپتارى تولىق ساقتالدى دەپ ايتا الامىن. سايلاۋ پروتسەسىندە حالىقارالىق قاعيدالارعا باسىمدىق بەرىلدى. حالىقتىڭ بەلسەندىلىگى وتە جوعارى بولدى. بۇل ەلدىڭ بولاشاققا دەگەن ۇمتىلىسىن كورسەتەدى.
جالپى سايلاۋ ويداعىداي ءوتتى. ادامدار سايلاۋ ۋچاسكەلەرىنە مەرەكەلىك رۋحپەن كىرىپ, ءوز بولاشاعى ءۇشىن قۋانا داۋىس بەرىپ جاتتى. بارلىق قازاقستاندىقتارعا دەنساۋلىق پەن تابىس تىلەيمىن.
الەكساندرا پەرمينوۆا,
رەسەي عىلىم اكادەمياسىنىڭ قىتاي جانە قازىرگى ازيا ينستيتۋتىنىڭ عىلىمي قىزمەتكەرى
