«الاش» ساياباعىندا ەكواكتسيا كەزىندە الما اعاشتارى وتىرعىزىلدى, دەپ حابارلايدى astana-akshamy.kz
«تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسى اياسىندا بىرىككەن مۇراجايلار ديرەكتسياسى مكقك جانە استانا قالاسى مادەنيەت باسقارماسىنىڭ قىزمەتكەرلەرى «الجير” مۇراجاي-مەموريالدىق كەشەنىنىڭ “الاش” ساياباعىنىڭ اۋماعىن تازارتتى.
ەكواكتسيا بارىسىندا الما اعاشتارىنىڭ 20 كوشەتى وتىرعىزىلدى.
ەستەرىڭىزگە سالا كەتەيىك, ەلوردادا «تازا قازاقستان: استانا – تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكتسياسى اياسىندا قارتتار ۇيلەرى, ارداگەرلەر, قىزمەت اتقارۋ كەزىندە قازا تاپقان قۇقىق قورعاۋ ورگاندارى قىزمەتكەرلەرىنىڭ وتباسىلارى تۇراتىن ۇيلەردىڭ اۋماعىن اباتتاندىرۋعا باعىتتالعان «ونەگەلى ۇرپاق» تاقىرىپتىق اپتالىعى قارقىندى وتۋدە. قالانىڭ ءاربىر تۇرعىنى ماڭىزدى اكتسياعا ءوز ۇلەسىن قوسا الادى.
اۋقىمدى ەكواكتسيا شەڭبەرىندە قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە. سونداي-اق جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جانە ت. ب. جۇمىستار جۇرگىزىلۋدە.
