استانادا بيىلعى قىستىڭ العاشقى قارى قازان ايىنىڭ باسىندا تۇسكەن ەدى. الايدا ول جىلدام ەرىپ كەتتى. وتكەن دەمالىس كۇنگى جاۋعان اق ۇلپا دا ۇزاق جاتقان جوق. دەگەنمەن نۇر-سۇلتان قالاسىنىڭ كوممۋنالدىق قىزمەتتەرى جەكسەنبى كۇنى تاڭەرتەڭمەن العاش رەت قار تازالاۋعا شىقتى.
قالا كوشەلەرىن قاردان تازارتۋعا جۇزدەگەن ادام مەن تەحنيكا جۇمىلدىرىلدى. باي̆قوڭىر اۋدانى ءباسپاسوز قىزمەتىنىڭ حابارلاۋىنشا, بۇل كۇنى اۋماقتا 107 ارناي̆ى تەحنيكا جۇمىس ىستەگەن. «ءبىرىنشى كەزەكتە ورتالىق كوشەلەردىڭ بويى, جاياۋ جۇرگىنشىلەر جولى, سونىمەن قاتار ايالدامالار مەن تروتۋارلار تازارتىلدى. سونداي-اق كوكتاي̆عاقتىڭ الدىن الۋ ءۇشىن قۇم-تۇز قوسپاسى شاشىلدى. قار تازالاۋعا ارنايى تەحنيكادان بولەك 300-گە جۋىق ادام قاتىسقان.
مۇنداي جۇمىستار قالانىڭ باسقا اۋداندارىندا دا دەرەۋ قولعا الىندى. بارلىق كوممۋنالدىق قىزمەتتەر كۇشەيتىلگەن رەجيمگە كوشىرىلدى. سارىارقا اۋدانىندا قار تازالاۋمەن 19 مەردىگەرلىك ۇيىم اينالىستى. بۇل اۋداندا 159 ارنايى تەحنيكا جانە 371 جول جۇمىسشىسى ىسكە جۇمىلدىرىلعان.
قازگيدرومەتتىڭ بولجامىنشا, الداعى قىس بىلتىرعى جىلداعىداي جىلى, بىراق جاۋىن-شاشىن مول بولۋى ابدەن مۇمكىن. وتكەن قىستا رەسپۋبليكا اۋماعىنا اتلانتيكالىق جىلى جانە ىلعالدى اۋا اعىسى سوقتى. وسىعان بايلانىستى ەلىمىزدىڭ باسىم بولىگىندە مول جاۋىن-شاشىن جاۋدى. بۇل پروتسەستەر قازاقستاننىڭ سولتۇستىك-شىعىسىندا جانە ورتالىعىندا قاتتى بايقالدى. ەلوردادا اقتۇتەك بوران سوعىپ, قار قالىڭ جاۋدى. سينوپتيكتەر الداعى جەلتوقسان-قاڭتار ايلارى قارلى, جاۋىن-شاشىندى بولادى دەپ بولجاپ وتىر.
