قازانات» يپپودرومى بازاسىندا ەرەكشە قاجەتتىلىكتەرى بار بالالارعا ارنالعان يپپوتەراپيا جانە ات سپورتىمەن اينالىسۋ ءۇشىن جابىق جانە اشىق مانەج سالىنىپ جاتىر. سونداي-اق قالا باسشىلىعى مۇندا تۋريزم جانە ۇلتتىق سپورت تۇرلەرىن دامىتۋدى دا جوسپارلاعان.
اتالمىش جوبا مەملەكەتتىك-جەكەمەنشىك ارىپتەستىك اياسىندا جۇزەگە اسىرىلۋدا. ونىڭ قۇرىلىسىمەن «NUR ASTANA KURYLYS» كومپانياسى اينالىسۋدا.
«قازانات» يپپودرومىنىڭ ديرەكتورى يرينا يۆانيۋكتىڭ ايتۋىنشا, قۇرىلىس جۇمىستارى جىل سوڭىنا دەيىن جالعاسۋى مۇمكىن. كەشەن پايدالانۋعا بەرىلگەندە وندا ءبىر مەزەتتە 50-دەن استام بالا يپپوتەراپيادان وتە الاتىنىن بولادى. اتشاباردىڭ اۋماعى 48 گەكتاردى قامتيدى. ونىڭ قۇرامىندا 8 مىڭ ش.م. اشىق, حالىقارالىق ستاندارتقا ساي كەدەرگىلەردەن اتپەن قارعىپ وتەتىن كونكۋر الاڭى, 1200 ادامعا ارنالعان كورەرمەن مىنبەرى بار.
سونداي-اق جالپى اۋدانى 11 مىڭ ش.م. بولاتىن جابىق مانەج دە سالىنۋدا. جابىق مانەجدىڭ ىشىندە يپپوتەراپيا ورتالىعى اشىلادى. يپپوتەراپيا الاڭى 50-دەن استام اتقا لايىقتاپ جوبالانعان.
بۇعان دەيىن «قازانات» اتشابارىندا 20 اتقا ارنالعان ەكى اتقورا بولاتىن. ەندى وعان قوسىمشا وسىنداي تاعى ەكى اتقورا سالۋ قاراستىرىلعان. سونداي-اق جانۋارلاردىڭ جەم-ءشوبى تۇراتىن, ەر-تۇرمان قوياتىن ورىندار دا ويلاستىرىلعان. يپپودروم ىشىنەن سالىنىپ جاتقان اتالعان كەشەن الداعى جىلى پايدالانۋعا بەرىلەدى دەپ جوسپارلانىپ وتىر.
