العىس ايتۋ كۇنى قۇرمەتىنە استانادا بىرقاتار تاقىرىپتىق شارالار وتكىزىلمەكشى, دەپ حابارلايدى استانا اكىمدىگىنىڭ رەسمي سايتى.
1 ناۋرىزدا ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «عاسىردان دا ۇزاق كۇن» سپەكتاكلى, ال م.گوركي اتىنداعى ورىس دراما تەاترىندا «كۋرت – دراگوتسەننىي كامەن» قويىلىمى كوپشىلىك نازارىنا ۇسىنىلاتىن بولادى.
سونىمەن قاتار, قارتتار ۇيىندە «قۇرمەت پەن ىزەت قۇشاعىندا» كوشپەلى كىتاپحانا شاراسى ۇيىمداستىلسا, «الجير» مۇراجايىنا كەلۋشىلەر مەرەكەگە وراي جاساقتالعان ارنايى كورمەنى تاماشالايدى.
بۇدان بولەك, 1 ناۋرىزدا بەيبىتشىلىك جانە كەلىسىم سارايىندا «مىڭ العىس» كونتسەرتى, ال 3 ناۋرىزدا «جاستار» سارايىندا كورەرمەندەرگە «ودين نارود – ودنا سەميا» كونتسەرتى قويىلادى.
