استانا كۇنىندە ابىلاي حان داڭعىلى 26-ۇيدە اۋلا مەرەكەسى ۇيىمداستىرىلدى.
جاڭادان اباتتاندىرىلعان اۋلا تۇرعىندارىن قوس مەرەكەمەن قۇتتىقتاعان الماتى اۋدانىنىڭ اكىمى بەكبول ساعىن مەن استانا قالاسى ءماسليحاتىنىڭ دەپۋتاتى سەرگەي بوگاتىرەۆ وسى اۋلادا ورنالاسقان قىزمەت كورسەتۋ ۇيىمدارىنىڭ قىزمەتكەرلەرىن العىس حاتتارمەن ماراپاتتاپ, باعالى سىي-سياپاتتار تاراتتى.
ۇستىمىزدەگى جىلى الماتى اۋدانىندا 20 اۋلاعا اباتتاندىرۋ جۇمىستارى جۇرگىزىلدى. اباتتاندىرىلعان اۋلالارعا 13 بالالار ويىن الاڭى, 6 سپورت الاڭى, 206 قوقىس جاشىگى, 194 ورىندىق, 11 دەمالاتىن ورىن, 40 جارىقتاندىرعىش قۇرىلعىلارى ورناتىلاتىنىن ايتقان اۋدان اكىمى سونىمەن قاتار, جالپى اۋماعى 38 043,15 شارشى مەتر اۋماققا اسفالت توسەلىپ, قوسىمشا 295 تۇراقجايلىق ورىندار دايىندالىپ, 1 589,92 شارشى مەتردەن استام اۋماققا توسەمتاس توسەلەتىنىن جەتكىزدى.
مەرەكە بارىسىندا وسى اۋلادا تۇراتىن جاسوسپىرىمدەر مەن بۇلدىرشىندەر سپورتتىق سايىستار مەن اسفالتتا سۋرەت سالۋدان جارىسىپ, جەڭىمپازدار سىيلىقتارعا يە بولدى. سونىمەن قاتار, مەرەكە بارىسىندا وسى اۋلادا ورنالاسقان № 9 قالالىق ەمحانانىڭ دارىگەرلەرى تۇرعىنداردىڭ ارتەريالىق قىسىمىن ولشەپ, كارديولوگ جانە تەراپەۆت دارىگەرلەر كەڭەس بەردى.
ءامينا اداي
